comintour.net
stroidom-shop.ru
obystroy.com
Items filtered by date: Կիրակի, 31 Մարտի 2019 http://artsakhtert.com Mon, 14 Oct 2019 04:48:47 +0000 Joomla! - Open Source Content Management hy-am ԱՅՑԵԼՈՒԹՅՈՒՆ ԹԱԼԻՇ http://artsakhtert.com/arm/index.php/official/item/26374-2019-04-01-21-13-57 http://artsakhtert.com/arm/index.php/official/item/26374-2019-04-01-21-13-57 ԱՅՑԵԼՈՒԹՅՈՒՆ ԹԱԼԻՇ
Նախագահ Բակո Սահակյանը…

 Ջերմ եւ անմիջական մթնոլորտում արծարծվել են պետականաշինությանը, բանակաշինությանը, Թալիշի վերականգնմանն առնչվող հարցեր:

 

ԱՐՑԱԽԻՀԱՆՐԱՊԵՏՈՒԹՅԱՆՆԱԽԱԳԱՀԻԱՇԽԱՏԱԿԱԶՄԻ

            ՏԵՂԵԿԱՏՎՈՒԹՅԱՆԳԼԽԱՎՈՐՎԱՐՉՈՒԹՅՈՒՆ

]]>
arturcom1@gmail.com (Super User) Պաշտոնական Mon, 01 Apr 2019 21:12:19 +0000
ՋՐԱՅԻՆ ՈԼՈՐՏՈՒՄ ՆՈՐ ԿԱՐԳԱՎՈՐՈՒՄՆԵՐ ԵՆ ՍՊԱՍՎՈՒՄ http://artsakhtert.com/arm/index.php/economy/item/26371-2019-04-01-17-45-52 http://artsakhtert.com/arm/index.php/economy/item/26371-2019-04-01-17-45-52 Սրբուհի ՎԱՆՅԱՆ

 Դեռևս փետրվարին կայացած մամուլի ասուլիսի ժամանակ ԱՀ բնապահպանության նախարար Ֆելիքս Գաբրիելյանը հայտարարել էր, որ նախարարությունը ձեռնամուխ է եղել ջրային ոլորտում առկա հիմնախնդիրների վերհանմանն ու լուծմանը և այդ նպատակով աշխատանքներ է տանում նաև իրավական ու օրենսդրական կարգավորումների ուղղությամբ: Ըստ նրա` սկսած 1988 թվականից, հանրապետության տարածքում մակերևութային ջրային ռեսուրսների մոնիտորինգ չի իրականացվել: 

Մեր ընթերցողներին արդեն տեղեկացրել ենք, որ անցյալ տարի, կատարելով այդ աշխատանքները, գերատեսչությունը պարզել է, որ գրեթե բոլոր գետային ավազաններում սահմանային թույլատրելի կոնցենտրացիաները գերազանցում են պղինձը, վանադիումը, ալյումինը: Որոշ գետերում նկատելի են թթվածնի քիմիական պահանջարկի, ցինկի, ամոնիում և նիտրատ իոնների կոնցենտրացիաների աճ, ինչը պայմանավորված է կոմունալ-կենցաղային հոսքաջրերի` առանց մաքրման գետը թափվելու հետ:
Հաշվի առնելով ջրային ռեսուրսների` էներգետիկ նպատակներով օգտագործման փաստերը, դրանց շուրջ առկա մտահոգությունները, ելնելով ռազմավարական այդ ոլորտը կարգավորելու անհրաժեշտությունից, գերատեսչությունը նախատեսում է ներդնել փոքր հէկերի ջրաչափական մշտադիտարկման կենտրոնացված համակարգ, որի միջոցով կիրականացվի ջրառի ու հէկերի կողմից օգտագործվող ջրի ծավալների ավտոմատ, առցանց հաշվառում:
Կառավարության վերջին նիստերից մեկում Ֆելիքս Գաբրիելյանը ներկայացրել է իրենց կողմից մշակված լրացումներն ու փոփոխությունները ՙԼՂՀ ջրային օրենսգրքում՚ և ՙՋրի ազգային ծրագրում՚: Օրենսգիրքն ընդունվել էր դեռևս 2003 թվականին, և նրա որոշ դրույթներ վերանայման կարիք էին զգում։ ՙՋրային ռեսուրսների առավել արդյունավետ կառավարման և պահպանման նպատակով, ելնելով վերջին տարիների փորձից, ինչպես նաև հաշվի առնելով 2017թ. սեպտեմբերի 27-ին Արցախի Նախագահի հրամանագիրը, որով հաստատվել է կառավարության նոր կառուցվածքը և վերացել է վարչապետի ինստիտուտը, անհրաժեշտություն է առաջացել կատարել նախագծով առաջարկվող փոփոխություններն ու լրացումները՚,-ասել է Ֆ. Գաբրիելյանը։ ԼՂՀ ջրային օրենսգրքում փոփոխություններ և լրացումներ կատարելու մասին Արցախի Հանրապետության օրենքի նախագծով առաջարկվում է ջրի ազգային խորհրդի գործունեությունը կարգավորելու համար կատարել համապատասխան փոփոխություն, սահմանել Խորհրդի նախագահի, անդամների ընտրության կարգը, վերապահել ԱՀ կառավարությանը հաստատելու Խորհրդի կանոնակարգն ու կազմը։ Նախագծի ընդունմամբ օրենսգիրքը կլրացվի նոր հասկացություններով և համապատասխան հոդվածներով, կսահմանվեն մակերևութային, ստորերկրյա, քաղցրահամ, արտեզյան և գրունտային ջրեր, ջրային հաշվեկշիռ, ջրամերձ և ջրատար կշեռք և այլ հասկացություններ։ Հստակեցվելու են ջրային ռեսուրսների մոնիտորինգի, ջրային ռեսուրսների կրկնակի օգտագործումը, ջրօգտագործման թույտվություն ստանալու, տրամադրելու, մերժելու և կասեցնելու, փոփոխելու կամ ուժը կորցրած ճանաչելու մեխանիզմները, կարգավորվելու են ստորերկրյա քաղցրահամ ջրերի օգտագործման և պահպանման, հորատանցքերի կոնսերվացման և լուծմարման գործընթացները։ ՙԻրականացվող քաղաքականության նպատակը հնարավորության սահմաններում շրջակա միջավայրի վրա բացասական ներգործությունների կանխարգելումն ապահովելն է, բնական պաշարների արդյունավետ օգտագործումը,-ասել է Ֆ. Գաբրիելյանը` հավելելով, որ ներկայացված օրենքի նախագծի ընդունման դեպքում ակնկալում են ԱՀ ջրային օրենսգրքով կարգավորվող հարաբերությունների կատարելագործում և արդիանականացում, ջրային պաշարների առավել արդյունավետ օգտագործում: Նախագահ Բ. Սահակյանը հանձնարարել է գերատեսչության ղեկավարին ուսումնասիրությունների արդյունքները տրամադրել կառավարության բոլոր անդամներին` այն հաշվով, որ դրանց մասին իրազեկված լինելն օգտակար կլինի բոլորի համար։ Ֆ. Գաբրիելյանը տեղեկացրել է, որ օրինագծի նախագիծը քննարկվել է մասնագետների և շահագրգիռ կառույցների ներկայացուցիչների հետ։
Ներկայացված օրենքի նախագծի ընդունումը հնարավորություն կտա արդիականացնելու ԱՀ օրենսգրքով կարգավորվող հարաբերությունները, առավել արդյունավետ կառավարելու ջրային ռեսուրսները: Ջրի ազգային ծրագրի մեջ փոփոխությունները քննարկվե՞լ են Ազգային ժողովում: Նախագահ Բակո Սահակյանի հարցին ի պատասխան Ֆ. Գաբրիելյանը պատասխանել է, որ միայն մասնագետների հետ են աշխատանքներ տարվել: ԱԺ փոխխոսնակ Վ. Բալայանը հավելել է, որ եթե դրա անհրաժեշտությունը լինի, խորհրդարան ներկայացնելուց առաջ այս թեմայով քննարկումներ կարելի է կազմակերպել:

;

 

 

 

]]>
arturcom1@gmail.com (Super User) Տնտեսական Mon, 01 Apr 2019 17:44:40 +0000
Արցախի Հանրապետության խորհրդարանում ընդունել են Հայաստանի Հանրապետության Ազգային ժողովի «Իմ քայլը» խմբակցության անդամներին http://artsakhtert.com/arm/index.php/official/item/26373-30 http://artsakhtert.com/arm/index.php/official/item/26373-30 Արցախի Հանրապետության խորհրդարանում ընդունել են Հայաստանի Հանրապետության Ազգային ժողովի «Իմ քայլը» խմբակցության անդամներին
ՀՀ խորհրդարանի «Իմ…

 Հանդիպմանը, որին մասնակցել է նաև Արցախի ԱԺ նախագահի տեղակալ Վահրամ Բալայանը, կարևորվել են երկու հայկական խորհրդարանների համագործակցության շրջանակներում ինչպես օրենսդրական, այնպես էլ սոցիալական, տնտեսական, կրթական ու այլ բնագավառներում համատեղ ծրագրերի իրականացումը և աշխատանքային խմբերի ստեղծումը:

Աշոտ Ղուլյանը ընդգծել է միջխորհրդարանական հանձնաժողովի գործունեության ակտիվացման պահանջը, առաջիկայում նիստ գումարելու կարևորությունը և ըստ անհրաժեշտության ՀՀ ԱԺ-ԱՀ ԱԺ համագործակցության միջխորհրդարանական հանձնաժողովի համաձայնագրի թարմացումը:

ՀՀ ԱԺ նախագահի տեղակալ Լենա Նազարյանը նշել է, որ առաջիկայում նախատեսվում է Արցախում և Հայաստանում բնակվող երիտասարդների շրջանում շփումների խրախուսման ուղղությամբ ծրագրերի կազմակերպումը՝ փոխադարձ ծանոթությունների հաստատման և կապերի ստեղծման նպատակով:

Երկուստեք արժևորվել է Արցախի ժողովրդի ներկայացվածությունը միջազգային տարբեր հարթակներում, ադրբեջանա-ղարաբաղյան հակամարտության կարգավորման գործընթացում Արցախի ժողովրդի ձայնը լսելի դարձնելու հնարավորությունների ընդլայնումը:

 

 

 

]]>
arturcom1@gmail.com (Super User) Պաշտոնական Mon, 01 Apr 2019 17:43:18 +0000
ԲԱՐԵԿԱՐԳՄԱՆ ԾՐԱԳՐԵՐԻ ՇՐՋԱՆԱԿՆԵՐՈՒՄ http://artsakhtert.com/arm/index.php/social/item/26368-2019-04-01-17-32-18 http://artsakhtert.com/arm/index.php/social/item/26368-2019-04-01-17-32-18 ԲԱՐԵԿԱՐԳՄԱՆ ԾՐԱԳՐԵՐԻ ՇՐՋԱՆԱԿՆԵՐՈՒՄ
Էմմա ԲԱԼԱՅԱՆ

 Մայրաքաղաքում 2019թ. բարեկարգման ծրագրերի և մի շարք այլ հարցերի շուրջ է հարցազրույցը Ստեփանակերտի փոխքաղաքապետ Սուրեն ԹԱՄՐԱԶՅԱՆԻ հետ:

-Պարոն Թամրազյան, որո՞նք են քաղաքապետարանի 2019թ. իրականացվող և իրականացվելիք ծրագրերը:
-Մենք ստիպված ենք դանդաղ քայլերով իրականացնել քաղաքի բարեկարգման գործընթացը՝ բոլորիս պարզ պատճառներով: Արդեն մի քանի տարի կենտրոնական փողոցների բազմաբնակարան շենքերի ճակատային մասերի կապիտալ վերանորոգման ու պատշգամբների ամրապնդման ծրագիրը կշարունակվի նաև այս տարի: Քաղաքը բարետես դարձնող այս ծրագիրը սույն թվականին կիրականացվի Ն. Ստեփանյան 1, Նժդեհի 86, Ազատամարտիկների 22, 24 հասցեներում, իսկ Վ. Սարգսյան 20, 22 շենքերում կիրականացվի միայն պատշգամբների ամրապնդում: Մանկական խաղահրապարակների կառուցման ծրագիրը, որը նույնպես շարունակական է, այս տարի կիրականացվի Աջափնյակ թաղամասում, ինչպես և Վ. Սարգսյան 20, 22 շենքերը հարող բակում: Բազմաբնակարան շենքերի բակերի առանձին հատվածների վերանորոգման և ասֆալտապատման ծրագրի շրջանակներում ասֆալտապատման աշխատանքներ կընթանան Ազատամարտիկների 29,31,33 հասցեներում, ինչպես և Մանուկյան 11-ի, 13-ի, 15-ի բակերում: Շարունակական են փողոցների կոպճապատման, վերելակների սպասարկման աշխատանքները: Հենապատերի և աստիճանների վերանորոգում տեղի կունենա Սպանդարյան ու Մետաքսագործների փողոցները սանդուղքներով իրար միացող հատվածում: Կշարունակվի աղբատեղերի կառուցման և նոր աղբարկղների պատրաստման գործընթացը: Մեծ ուշադրություն կդարձվի արտաքին լուսավորմանը: Արտաքին լուսավորման ծրագրում երկու տարի առաջ կիրառել ենք Էներգախնայողական լամպերի օգտագործման պիլոտային ծրագիր, որը լրիվ իրեն արդարացրել է: Նշեմ, որ այդ արտաքին լուսավորման լամպերն ունեն 3 տարվա երաշխիքային ժամկետ, աշխատում են անգամ ավելին, ինչը նույնպես խնայողականության լուրջ չափանիշ է: Նախատեսվում է 2-3 տարիների ընթացքում բոլոր հին լամպերը փոխարինել էներգախնայողական լամպերով, ինչը, ըստ նախնական հաշվարկների, կբերի 50 տոկոս խնայողականություն: Այդ ծրագրի շրջանակներում 28 մլն դրամ համայնքի բյուջեից կօգտագործվի նորակառույց եկեղեցու տարածքի արտաքին լուսավորումն ապահովելու համար:
Չնայած ավարտվել է շուրջօրյա ջրամատակարարման նախատեսված ծրագիրը, սակայն քաղաքը տարբեր ուղղություններով ընդարձակվում է, կառուցվում են բնակելի նոր թաղամասեր, այլ օբյեկտներ, որոնց ենթակառուցվածքների, այդ թվում նաև ջրամատակարարման անցկացման խնդիրները՝ դառնալով օրակարգային, առաջ կբերեն ջրամատակարարման, ջրահեռացման և կոյուղագծերի անցկացման աշխատանքներ: Այս տարի կավարտվեն նկուղների մաքրման, նորոգման, կահավորման և լուսավորման աշխատանքները, որի հիմնական մասը իրականացվել է 2016թ.: 2019-ին պետք է կատարվի այդ աշխատանքների 20-25 տոկոսը: Կարևոր ծրագրերից է զոհված ազատամարտիկների և 1-ին խմբի հաշմանդամություն ունեցողների ընտանիքների բնակելի տների կապիտալ վերանորոգումը, որի համար կառավարությունը հատկացրել է 150 մլն դրամ: 80 մլն դրամ էլ պետբյուջեից փոխանցվել է քաղաքապետարանին, որպեսզի արտոնյալ խմբերին պատկանող ընտանիքների համար ձեռք բերվեն բնակարաններ: Մայիսի 9-ին Հուշահամալիրում տեղի կունենա Խորհրդային Միության 23 հերոսների հարթաքանդակների բացումը, որի հեղինակն է քանդակագործ Ալբերտ Հարությունյանը: Ի դեպ, նշենք, որ այդ քանդակներն ի սկզբանե տեղադրված էին Համալիրում, ուղղակի զգալիորեն վնասվել են պատերազմական տարիներին:
-Անդրադառնանք ներքաղաքային երթուղիների վիճակի բարելավման խնդրին: Քաղաքացիներին մտահոգում է ավտոբուսների արտանետած սև ծուխը, որն, անշուշտ, ազդում է մարդկանց առողջության վրա, ինչպես և աղտոտում է միջավայրը:
-Ավտոբուսները ժամկետային մաշվածության փուլում են: Երթուղիները սպասարկող երկու ընկերություններից ՙՄհեր՚ ՍՊԸ-ն պատրաստ է ներկրել նոր ավտոբուսներ, եթե պետությունը աջակցի վարկ վերցնելու հարցում: Քաղաքապետարանի կողմից այդ առաջարկը բարձրացվել է կառավարությունում, այժմ այն քննարկման փուլում է: ՙՍտեփանակերտ սերվիս՚ ՓԲԸ-ի նոր ավտոբուսներով համալրումը պետք է կատարվի պետական մակարդակով, քանի որ ընկերության լիազոր մարմինն է Արցախի ներդրումային հիմնադրամը: Ապրիլի 1-ին էլ հայտարարված է երթուղային տրանսպորտի ներքաղաքային երթուղիների մրցույթ, որին, ըստ պայմանավորվածության, ընկերությունները պետք է ներկայանան երթուղիների վիճակը բարելավված:
-Քաղաքի կանգառներում նկատելի են շինարարական աշխատանքներ: Դրանք տաղավարների կառուցման հետ կապ ունե՞ն, եթե այո, ծավալո՞ւն է այդ ծրագիրը:
-Տարիներ առաջ կառուցապատման իրավունքով կանգառների տարածքները տրամադրված էր հիմնականում մի մարդու, որը կառուցում էր ըստ քմահաճույքի: Պայմանագրի կետերը իրավաբանորեն թերի էին, և ներազդելու լծակներ, կարծես թե, չկային: Ազդելու մի հնարք գտանք, որից հետո տարածքները կարողացանք վերաբաժանել ու նոր պայմանագրեր կնքել, ըստ որի` ձեռնարկատերերը պարտավորված են կառուցապատման աշխատանքները կատարել ըստ նշված ժամկետների: Նրանք շահագրգռված են, քանի որ իրավունք ունեն այդ կանգառներում կառուցել կրպակ՝ իրենց ձեռնակատիրական գործն իրականացնելու համար: Ծրագիրը հավակնում է լինել ծավալուն, քանի որ ներկա դրությամբ բազում քաղաքացիների կողմից ներկայացված են դիմումներ՝ կապված կանգառների կառուցապատման հետ, անշուշտ, և կրպակների: Ենթադրվում է, որ այս տարի կկառուցապատվի կանգառների 60-70 տոկոսը:
-Տեղեկացված ենք, որ վերջերս հանդիպում եք ունեցել Երևանի քաղաքապետ Հայկ Մարությանի հետ, զրուցել երկու քաղաքապետարանների համագործակցության ծրագրի շուրջ: Այն կշարունակվի՞, և եթե` այո, ներկայացրեք այդ շրջանակներում իրականացվելիք ծրագրերի մասին:
-Երևանի քաղաքապետ Հայկ Մարությանի հետ առաջին անգամ հանդիպել ենք հոկտեմբեր ամսին, իսկ մոտ երկու շաբաթ առաջ հանդիպել ենք նորանշանակ տեղակալ Սերգեյ Համբարձումյանի հետ, որի հետ քննարկվել են համագործակցության ծրագրի ուղղությունները: Կարևորվեց երևանաբնակ զինծառայողների ծնողներին Արցախում ծառայող իրենց զավակներին անվճար տեսակցության հնարավորություն ընձեռելու ծրագիրը, ըստ որի` նրանց բերում են Ստեփանակերտ, որտեղից ամենքին տանում-հասցնում են զորամասեր` ապահովելով իրենց զավակների հետ տեսակցությունը: Առաջարկ է հնչել կանաչապատման ծրագրի շրջանակներում վերակառուցել տնկարանը, որպեսզի հնարավոր լինի մշտապես օգտվել տնկարանից, ինչպես նաև հանել վաճառքի, որը, ամենայն հավանականությամբ, կյանքի կկոչվի մյուս տարի: Մոտակա ժամանակներում նախատեսվում է փոխադարձ այց, որի ընթացքում բազմակողմանի քննարկում տեղի կունենա համագործակցության ծրագրի շուրջ:
-Այս տարի տեղի կունենան ՏԻՄ, մասնավորապես նաև քաղաքապետի ընտրությունները: Ինչպե՞ս եք նախապատրաստվում ընտրարշավին:
-Ընտրական օրենսգրքով սահմանված պարտավորության շրջանակներում քաղաքապետարանը կապահովի քարոզարշավի համար համապատասխան տարածքներ, աջակցում ենք տեղամասային հանձնաժողովների տարածքներում կահավորման հարցին, համապատասխան տեղերում տեղադրում ենք ցուցատախտակներ, որտեղ թեկնածուները կտեղադրեն իրենց ծրագրերը, հայտարարությունները, լուսանկարները… Մի խոսքով՝ սահմանված կարգով աջակցում ենք ընտրարշավի և ընտրության կազմակերպմանը:

;

 

 

 

 

]]>
arturcom1@gmail.com (Super User) Սոցիալական Mon, 01 Apr 2019 17:28:31 +0000
ՀԵՐԹԱԿԱՆ ՃԱՆԱՉՈՂԱԿԱՆ ԱՅՑ http://artsakhtert.com/arm/index.php/economy/item/26369-2019-04-01-17-34-36 http://artsakhtert.com/arm/index.php/economy/item/26369-2019-04-01-17-34-36 ՀԵՐԹԱԿԱՆ ՃԱՆԱՉՈՂԱԿԱՆ ԱՅՑ
Թամար ԳՐԻԳՈՐՅԱՆ ք.…

 Լիբանանցի գործարարների հետ քննարկվել են Շահումյանի շրջանի զարգացման ծրագրեր

ՙԼիբանանում հանդիպել եմ մի շարք գործարարների, որոնց հետ քննարկվել են Շահումյանի շրջանում զարգացման, ներդրումային տարբեր հնարավոր ծրագրեր՚. ամփոփելով Արցախի Հանրապետության պետնախարար Գրիգորի Մարտիրոսյանի ղեկավարած պատվիրակության կազմում Լիբանան կատարած ուղևորության արդյունքները՝ մեզ հետ զրույցում նշեց Շահումյանի շրջվարչակազմի ղեկավար Գագիկ Մարտիրոսյանը՝ տեղեկացնելով, որ այցելության ընթացքում հանդիպումներ են եղել Լիբանանում գործող հայկական ավանդական կուսակցությունների, կրոնական կառույցների ղեկավարների հետ։ Եվ, իհարկե, հանդիպել են Արամ Առաջին կաթողիկոսին՚,- նշեց Գագիկ Մարտիրոսյանը։
Խոսելով հատկապես Շահումյանի շրջանին վերաբերող ծրագրերից ու ձեռք բերված պայմանավորվածություններից՝ մեր զրուցակիցը տեղեկացրեց, որ ըստ ՙԱՐԻ՚ հիմնադրամի հետ ստորագրած պայմանագրի՝ ապրիլ ամսին Քարվաճառում կտրվի 15 բնակելի տան կառուցման ծրագրի մեկնարկը։ Նշենք, որ ծրագիրն իրականացվում է ավստրալահայ բարերարների ներդրումների շնորհիվ։
Խոսելով այլ ծրագրերից՝ Գագիկ Մարտիրոսյանը նշեց, որ գործարար, ՙԳարդենիա Գրեյն Դոր՚ ընկերության հիմնադիր Նիկոլա Ժորժ աբու Ֆեյսալի հետ հանդիպման ժամանակ քննարկվել են Արցախում ներդրումային ծրագրերի իրականացման հնարավորությունները։ ՙԳործարարն զբաղվում է պահածոների, համեմունքների արտադրությամբ, ընկերությունն սպասարկում է ավելի քան 1000 ռեստորանների։ Քննարկվել են Արցախում պտղատու այգիներ հիմնելու, արտադրություն սկսելու ծրագրեր՚,-տեղեկացրեց մեր զրուցակիցը։
ՙԱյլ հանդիպումների ժամանակ ևս գործարարներին ներկայացրել եմ Շահումյանի շրջանի զբոսաշրջային, գյուղատնտեսական ներուժը, նրանց հրավիրել եմ շրջան՝ տեղում տեսնելու, ուսումնասիրելու՚,-ընդգծեց Գագիկ Մարտիրոսյանը։
Նշենք, որ անասնապահության զարգացման նպատակով այս տարի նախատեսվում է շրջանում կառուցել անասնաբուժական կայան՝ լաբորատորիայով։
Գագիկ Մարտիրոսյանն առանձին հանդիպումների ժամանակ գործարարներին ներկայացրել է նաև այն հարկային արտոնությունները, որոնք կարող են տրամադրվել Շահումյանի շրջանում ներդրումներ իրականացնողներին։ Ի դեպ, այդ արտոնությունների վերաբերյալ նախօրոք պայմանավորվածություն կա երկրի ղեկավարության հետ՚։
Տարբեր հանդիպումների ժամանակ խոսվել է նաև կրթական, մշակութային ոլորտներում համագործակցության մասին, ստորագրվել են կարևոր հուշագրեր։
ՙՍա ճանաչողական այց էր, որից հետո ըստ ոլորտների կլինեն հստակ ծրագրեր՚,-վստահեցրեց շրջանի ղեկավարը։
;

 

 

 

]]>
arturcom1@gmail.com (Super User) Տնտեսական Mon, 01 Apr 2019 17:27:56 +0000
ՆԱԵՎ ԱՐՎԵՍՏՈՎ ԵՆ ԵՐԿԻՐ ԿԱՌՈՒՑՈՒՄ http://artsakhtert.com/arm/index.php/culture-and-education/item/26367-2019-04-01-17-19-10 http://artsakhtert.com/arm/index.php/culture-and-education/item/26367-2019-04-01-17-19-10 ՆԱԵՎ ԱՐՎԵՍՏՈՎ ԵՆ ԵՐԿԻՐ ԿԱՌՈՒՑՈՒՄ
Նունե ՀԱՅՐԱՊԵՏՅԱՆ

 Հարուստ պատմություն ու ակնառու հաջողություններ ունեցող Հադրութի մանկապատանեկան ստեղծագործական կենտրոնը (ՄՊՍԿ) 1934 թվականից շրջկենտրոնում գործող պիոներների տան հիմքի վրա է ստեղծվել` տարեցտարի ընդլայնելով գործունեության ծիրն ու դառնալով ոչ միայն հարազատ շրջանում հայտնի ու գեղագիտական դաստիարակության լավագույն փորձ ունեցող կրթօջախ: Տարիներ ի վեր Կենտրոնը ղեկավարում է Իրինա Թամրազյանը, ով իր կյանքի շուրջ չորս տասնամյակը նվիրել է շրջանի մշակութային կյանքն աշխուժացնելու գործին, որից մեկ տասնամյակը շրջանի մշակույթի բաժնի ղեկավար: Այսօր Ի. Թամրազյանի համար Կենտրոնը հարազատ տուն է, երեխաների մոտ գեղեցիկն ընկալելու, գնահատելու կարողությունը, ճանաչողական և ստեղծագործական ընդունակությունների զարգացումը` կյանքի գործ:

ՄՊՍԿ 38 խմբակ հաճախող 475 սաներից շատերն այստեղ ընտրում են իրենց կյանքի ուղին, հաղորդակցվում հետաքրքիր մասնագիտությունների հետ, շատերը սովորում եւ ընտրում են նաեւ իրենց ապագա մասնագիտությունը: Կենտրոնն իր գործունեությունը տարածել է նաև շրջանի մի շարք համայնքներում` նոր սերնդին հասու դարձնելով գեղարվեստի այբուբենը: Նախորդ տարվա վերջին տնօրենն ամենահամարձակ մտահղացումն է կարողացել իրականություն դարձնել. սահմանապահ Մեխակավանում սկսել է գործել մասնաճյուղ` 110 երեխայի ընդգրկմամբ: ՙՄեր Կենտրոնի գործունեության նպատակը միշտ նույնն է` սովորողների մեջ ձևավորել ու զարգացնել գեղագիտական ճաշակ, կրթել ու մեծացնել այնպիսի սերունդ, որն ընդունակ լինի ոչ միայն տեր կանգնել անցյալի մշակութային ժառանգությանը, մեր անզուգական հին արհեստներին, այլև պահպանել ու զարգացնել արցախյանը՚: Այդ նպատակին հասնելու համար Կենտրոնում գործող խմբակները տարեցտարի ընդլայնվել են, այժմ առկա ԵՆ գեղարվեստի, գեղարվեստական արհեստի և տեխնիկական ստեղծագործության բաժիններ:
Այստեղ հաճախող երեխաներն ընդգրկված են գորգագործության, ուլունքագործության, բրուտագործության, ասեղնագործության, ասեղնագործ գորգի, ՙշաթալ՚ ազգային գուլպայի, պարի, դհոլի, նկարչության, մաքրամեի, գոբելենի և այլ խմբակներում: Կենտրոնը շրջանի 9 համայնքներում գործող տարբեր խմբակներ ունի: Մեծ Թաղերի գորգագործության խմբակն այս տարի կընդլայնվի և կգործի որպես գորգագործական արտադրամաս: Բարերար Գրիգորի Գաբրիելյանցի օգնությամբ արդեն ձեռք է բերվել երկու հաստոց: Ըստ Ի. Թամրազյանի, Մեծ Թաղերը միշտ էլ հայտնի է եղել գորգագործության վարպետներով, որոնք այսօր էլ կան ու կնպաստեն արտադրության կայացմանը:
Մնացած կենտրոնների նման Հադրութի ՄՊՍԿ-ն ևս ֆինանսական միջոցների և նյութական բազայի սղություն է զգում` չնայած տարեցտարի ավելացել են խմբակներին հատկացվող գումարները: Երբեմն անհատ բարերարներն են օգնում, նպատակային է օգտագործվում նաև ցուցահանդեսներին վաճառված աշխատանքների գումարը: Այս օրերին կրթարանի ղեկավարը զբաղված է Ապրիլի 10-ին Գյումրիում մեկնարկելիք արվեստի ՙՎերածնունդ՚ մրցույթ-փառատոնին մասնակցելու համար միջոցներ գտնելու գործով: Խոսելով այլ խնդիրների մասին` Կենտրոնի ղեկավարը նշեց, որ մանկավարժներն աշխատում են մանր խնդիրներն անտեսել, այլապես աշխատանքն առաջ չի գնա: Պարարվեստի պարապմունքները 3 խմբերով ընթանում են սովորական սենյակում, որտեղ վերջերս են հայելիներ տեղադրվել: Կենտրոնը տեղակայված է Հադրութի մշակույթի պալատում` զբաղեցնելով երկրորդ հարկի մի քանի սենյակներ, նեղլիկ ու երկար միջանցքը ծառայում է որպես մանկական ցուցասրահ, որտեղ ցուցադրված են սաների աշխատանքները:
Ըստ Ի. Թամրազյանի՝ ընթացիկ տարում նախատեսված է ընդլայնել Կենտրոնին հատկացված տարածքը: Շենքային պայմանների բարելավումը հնարավորություն կտա իրականացնել մանկավարժների վաղեմի երազանքը՝ ստեղծել թանգարան, որտեղ ցուցադրության կդրվեն կրթամշակութային հաստատության անցած ողջ ուղին խորհրդանշող ազգային նմուշները, կկազմակերպվեն հետաքրքիր միջոցառումներ` մրցույթներ, հանդիպումներ, անհատական ու միասնական ցուցահանդեսներ: Կգործի նաև մանկական առանձին ցուցասրահ:
Ամեն աշխատանք իր արդյունքով է գնահատվում, և ամեն ոք ջանում է իր աշխատանքի արդյունքը հավուր պատշաճի ներկայացնել: Այս առումով պետք է նշել, որ Կենտրոնի սաները միշտ եղել են թե՜ շրջանային ու հանրապետական, թե՜ համահայկական մրցույթների ու փառատոների ակտիվ մասնակիցներ, որտեղ բազմիցս հաղթող են ճանաչվել: Նրանք Հադրութի մշակույթի և երիտասարդության կենտրոնի հետ համերգներով հանդես են եկել հանրապետության գրեթե բոլոր զորամասերում: Մեկ տարի առաջ ԱՀ մշակույթի, երիտասարդության հարցերի և զբոսաշրջության նախարարության կողմից կազմակերպված ՙԱրցախյան գորգարվեստ՚ հանրապետական մրցույթում Հադրութի պատանի գորգարգործներն առաջին տեղն են գրավել: Սեպտեմբերին Երևանում ՀՀ անկախության օրվան նվիրված ցուցահանդես-փառատոնին ներկայացված աշխատանքները մեծ հետաքրքրություն են առաջացրել այցելուների շրջանում: Մասնակցել են նաև նախորդ տարում Դիլիջանում կազմակերպված արհեստների ու արվեստների փառատոնին: ՄՊՍԿ սաների աշխատանքների մշտական ցուցադրությունն ու վաճառքը ԱՀ Էկոնոմիկայի և արտադրական ենթակառուցվածքների նախարարության օգնությամբ իրականացնում է Երևանում գործող ՙԱրցախ՚ խանութ-սրահը: Արցախում և Հայաստանում ՙշաթալ՚ գուլպաների մեծ պահանջարկ կա. դրանց յուրօրինակ նախշերը ժամանակին միայն Դիզակի վարպետներին էին հայտնի: ՙՄեր կենտրոնի խմբակավարները տարիներ շարունակ Հադրութի գյուղերում հավաքել են ամենահին նախշերով գործերը, որպեսզի իրենց աշակերտներին սովորեցնեն վերարտադրել դրանք: Մեր սաներն արդեն ոչ միայն արցախյան գորգագործության և ասեղնագործության առանձնահատկություններին են տեղյակ, այլև կարողանում են հայտնաբերել իրենց շրջանին հատուկ նախշերն ու գույները՚,-վստահեցնում է Ի. Թամրազյանը: Կենտրոնը համագործակցում է ՀՀ-ում գործող ՙՀանգույց՚ հիմնադրամի, Հովհ. Թումանյանի տուն-թանգարանի հետ: Ասեղնագործ գորգերի էսքիզների ընտրության ժամանակ նրանց օգնում է ՀՀ ժողովրդական վարպետ, ասեղնագործուհի Արփի Ավդալյանը:
Կենտրոնի սաները հաջողությամբ հանդես են եկել նախորդ տարվա հոկտեմբերին կազմակերպված Ֆրանկոֆոնիայի միջազգային մրցույթ-փառատոնին՝ ներկայացնելով մրցույթի ոգուն համահունչ` ֆրանսիական թեմայով ստեղծագործություններ: Մինչ այդ Ստեփանակերտում ներկայացրել են Անրի Վեռնոյի ՙՄայրիկ՚ կինոնկարի երաժշտության մոտիվներով ՙԿյանքի ճանապարհ՚ և ֆրանսիական ՙՏիկնիկներ՚ պարերը՝ 8 տարբեր մասնակից խմբերի մեջ գրավելով առաջին տեղը: Այդ փառատոնին Կենտրոնը ներկայացել է նաև ֆրանսիական և հայկական մոտիվներով երեխաների ձեռքի աշխատանքների ցուցահանդեսով, որի ավարտին Վալանս և Առնովիլ քաղաքների պատվիրակությունները հանդիպել են Կենտրոնի կոլեկտիվի ներկայացուցիչներին, իրենց զարմանքն ու հիացմունքը հայտնել Կենտրոնի սաների ունակությունների մասին: Ֆրանկոֆոն մամուլի միջազգային միության լրագրողները նաև այցելել են Հադրութ, եղել մանկապատանեկան ստեղծագործական կենտրոնում, ծանոթացել կազմակերպված ցուցահանդեսին, որի ընթացքում Կենտրոնի երեխաները հանդես են եկել համերգով:
Ի. Թամրազյանը հատկապես ոգևորված է Մեխակավանի մասնաճյուղի հեռանկարներով և որոշել է թոշակի անցնելուց հետո մշտական բնակություն հաստատել և դասավանդել այդ մասնաճյուղում: Մասնաճյուը լուրջ հեռանկարներ ունի բրուտագործության խմբերում. կրթարանի բացմանը հանրապետության Նախագահը Կենտրոնին կավագործական վառարան է նվիրել, որի անհրաժեշտությունը շատ էր զգացվում: Շուտով այդտեղ կսկսի գործել նաև ավիամոդելավորման խմբակ, որը վարելու է ժամկետային զինծառայող-մասնագետը, արդեն այդ ուղղությամբ պայմանավորվածություն կա զորամասի հրամանատարության հետ: Գործում են նաև երգեցողության և թատերական խմբեր՝ Երևանի կոնսերվատորիան ու Թատրոնի և կինոյի պետական ինստիտուտն ավարտած զինվորների օգնությամբ: ՙՄեր մասնաճյուղի ստեղծմամբ նոր ու ավելի ջերմ հարաբերություններ են ստեղծվել սահմանը պահող զորամասի և ավանի բնակչության միջև,- նկատում է Ի. Թամրազյանը: - Մեր ներկայությունն այնտեղ հավասարապես ոգևորում է թե՜ զինվորներին, թե՜ աճող սերնդին: Մեխակավանը ես պատկերացնում եմ որպես ապագայի մեծ քաղաք, որը կառուցողներից մեկն էլ մենք պիտի լինենք, որովհետև նաև արվեստով են երկիր կառուցում՚:
;

 

 

 

]]>
arturcom1@gmail.com (Super User) Մշակույթ և կրթություն Mon, 01 Apr 2019 17:17:24 +0000
ՀԵՐԹԱԿԱՆ ՀԱՋՈՂՈՒԹՅՈՒՆԸ` ՙԱՐՏ ՄՅՈՒԶԻՔ՚ ԱՐՎԵՍՏԻ ՄԻՋԱԶԳԱՅԻՆ ՓԱՌԱՏՈՆՈՒՄ http://artsakhtert.com/arm/index.php/culture-and-education/item/26366-2019-04-01-17-16-48 http://artsakhtert.com/arm/index.php/culture-and-education/item/26366-2019-04-01-17-16-48 ՀԵՐԹԱԿԱՆ ՀԱՋՈՂՈՒԹՅՈՒՆԸ` ՙԱՐՏ ՄՅՈՒԶԻՔ՚  ԱՐՎԵՍՏԻ ՄԻՋԱԶԳԱՅԻՆ ՓԱՌԱՏՈՆՈՒՄ
Անուշ ԱՍՐԻԲԱԲԱՅԱՆ

ք. Մարտունի

Մարտի 14-ին Երևանում մեկնարկել է ՙԱրտ մյուզիք՚ արվեստի միջազգային 10-րդ մրցույթ-փառատոնը, որին այս տարի մասնակցել են նաև Մարտունու Արամ Խաչատրյանի անվան և Ճարտարի արվեստի դպրոցների սաները և արձանագրել հաջողություններ։

Կրթօջախների վոկալի դասատու Էլեն Ղուլյանի տեղեկացմամբ՝ իր սաները տարբեր տարիքային խմբերում հանդես են եկել ակադեմիական և էստրադային երգեցողություն անվանակարգում, արդյունքում՝ Մարտունու արվեստի դպրոցի սաներ Էռնա Արզումանյանը և Լյուդմիլա Գրիգորյանը դարձել են 3-րդ կարգի դափնեկիրներ, իսկ Մարիամ Գրիգորյանը և Ճարտարի արվեստի դպրոցի սաներ Սաթենիկ Պողոսյանը, Անի Պողոսյանը և Անի Սարգսյանն արժանացել են դիպլոմների։
Փառատոնի հիմնական նպատակն է խթանել դասական, ազգային արվեստի և մասսայականացմանը, արվեստագետների միջև ստեղծել նոր, ստեղծագործական և բարեկամական կապեր, պատանիներին մերձեցնել հայ մշակույթին, ծանոթացնել հայկական մշակութային ժառանգությանը, ինչպես նաև երիտասարդներին հնարավորություն տալ իրենց վարպետությունը և ազգային մշակույթը պատշաճ ներկայացնելու։
Կարևորելով նման միջոցառումների մասնակցությունը` Է.Ղուլյանը նշեց, որ այն նաև ուսուցողական դեր է կատարում. երեխաները հնարավորություն են ստանում ծանոթանալու արվեստի նշանավոր գործիչների հետ, ստանում նոր գիտելիքներ՝ բեմական կեցվածքից մինչև մասնագիտական որոշակի հմտություններ։ Չնայած այն հանգամանքին, որ նախարարությունը չէր աջակցել մասնակցության համար, այնուամենայնիվ, ծնողների, սաների և ուսուցիչների սեփական միջոցներով ներկայացան մրցույթին։ ՙՃանապարհին առկա վատ եղանակային պայմանները և փորձությունները չխանգարեցին իմ սաներին հավուր պատշաճի հանդես գալ մրցույթում։ Մինչև փառատոնին մասնակցելը կազմակերպեցինք փոքրիկ հայրենաճանաչողական էքսկուրս՝ այցելեցինք Մատենադարան և Եռաբլուր։ Ծաղիկներ խոնարհեցինք Մոնթե Մելքոնյանի և մեր մյուս նահատակների շիրիմներին, երգեցինք ՙՏեր ողորմյա՚-ն, Եռաբլուրի եկեղեցում ստացանք օրնհնություն՚,- պատմում է Է. Ղուլյանը։ Նա առանձնահատուկ շնորհակալություն հայտնեց դպրոցի դաշնամուրի դասատու Աննա Բաղդասարյանին, ով փառատոնի ընթացքում նվագակցել է սաներին, ջանք ու եռանդ չի խնայել սաների հաջողության համար։
Մեր հանդիպման ընթացքում խոսելով կրթօջախի ակնառու հաջողությունների մասին` տնօրեն Ալվինա Բաղդասարյանը տեղեկացրեց, որ սաները պատրաստվում են տարբեր անվանակարգերում մասնակցել ապրիլի 20-ին Ստեփանակերտում կայանալիք ՙՎերածնունդ՚ միջազգային փառատոնին։
Նորանոր հաջողություններ ու ձեռքբերումներ մաղթենք մեր շնորհալիներին։ Թող որ խաղաղ երկնքի ներքո նրանց առջև բացվեն մեծ բեմեր ու ցուցահանդեսներ։

;

 

 

 

]]>
arturcom1@gmail.com (Super User) Մշակույթ և կրթություն Mon, 01 Apr 2019 17:16:11 +0000
ԵՐԲ ՂԵԿԻՆ ԿԻՆՆ Է http://artsakhtert.com/arm/index.php/social/item/26365-2019-04-01-17-14-04 http://artsakhtert.com/arm/index.php/social/item/26365-2019-04-01-17-14-04 ԵՐԲ ՂԵԿԻՆ ԿԻՆՆ Է
Լուսինե ՇԱԴՅԱՆ

 Ոչ վաղ անցյալում կանանց համար որոշ զբաղմունքներ համարվում էին անընդունելի։ Դրանց թվին էր դասվում նաև մեքենա վարելը։ Կանայք, սակայն, փորձեցին կոտրել այդ կարծրատիպը։ Ընդամենը 20 տարի առաջ արտասովոր թվացող այս երևույթն արդեն չի զարմացնում...

Կյանքի արագ ռիթմն այսօր թելադրող է։ Փոխվում են ժամանակները։ Իսկ ժամանակի հետ համընթաց քայլելն այսօր արդեն անհրաժեշտություն են։ Սա էր, որ պատճառ հանդիսացավ և Արինային դրդեց համալրել կին վարորդների շարքը: ՙՊետք է երեխաներին մանկապարտեզ և դպրոց տանել, գնումներ կատարել, հասնել աշխատանքի, հասցնել մի շարք գործեր, ինչն անհնար կլինի հասարակական տրանսպորտից օգտվելու դեպքում, հատկապես, երբ բնակվում ես քաղաքի ծայրամասում՚,- ասում է իմ զրուցակիցն ու շտապում հավաստիացնել, որ կին վարորդներին հասցեագրված կարծիքներն ամենևին էլ չեն համապատասխանում իրականությանը: ՙԿանայք ավելի կարգապահ և ուշադիր են։ Նրանց պատասխանատվությունն ավելի մեծ է։ Կանայք սովորաբար ալկոհոլի ազդեցության տակ մեքենա չեն վարում՚,-հիմնավորում է նա:
Չնայած նրան, որ կին վարորդների թիվն օրեցօր ավելանում է, դեռ կան տղամարդիկ, ովքեր շարունակում են չհաշտվել այն մտքի հետ, որ կանայք էլ կարող են, իսկապես, լավ վարել։ Իր կարծիքը շարունակում է չփոխել արդեն երկար տարիների վարորդական փորձ ունեցող Աշոտը: ՙԿանայք դանդաղաշարժ են, տարածության մեջ չեն կողմնորոշվում, ճիշտ չեն գնահատում հեռավորությունը։ Նաև անկանխատեսելի են՚,-սրանք էլ նրա հիմնավորումներն են: Աշոտ պապիկն ամեն կերպ փորձում է համոզել, որ կանայք ճանապարհին կարող են տեսնել ամեն ինչ՝ և՜ ցուցափեղկին փակցված զեղչերը, և՜ նորաբաց խանութները, բայց` ոչ ճանապարհային նշանները։ Զրուցակիցս հորդորում է կանանց զբաղվել միայն իրենց մոտ լավ ստացվող տնային գործերով։
Իհարկե, կան նաև հակառակ կարծիքներ։ Որոշ տղամարդիկ գտնում են, որ կանանց շրջանում ևս կարելի է հանդիպել խելացի վարորդների և խոստովանում են, որ հաճելի է, երբ ղեկին նաև կանայք են։ ՙՍեռն այստեղ բացարձակ կապ չունի. կարևորը ճիշտ մտածելակերպն է, արագ կողմնորոշվելու կարողությունն ու մեքենան զգալու ունակությունը՚,- սա մի խումբ տղամարդկանց տեսակետն է։
Հետաքրքիր է նաև, թե ինչպես սկսեց մեքենա վարել Լիլիթը. ՙՃիշտն ասած, վարորդ ասվածը մի քիչ հեռու է ինձանից։ Կին վարորդ ասվածը որպես այդպիսին չեմ ընկալում, ես պարզապես մեքենա եմ վարում։ Կարծում եմ, սա առավել նուրբ մոտեցում է և ավելի գեղեցիկ է հնչում՚,- խոստովանում է Լիլիթը։ Իսկ այն հարցին՝ տղամարդիկ են լավ վարո՞ւմ, թե՞ կանայք, Լիլիթի կարծիքով, միանշանակ չի կարելի պատասխանել։ Նրա համոզմամբ՝ երկար տարիների փորձ ու վարպետություն ունեցող մեքենա վարող կինը չի զիջի տղամարդ վարորդին. ՙԿարևորը ուշադրությունն է, լրջությունը և չշեղվելը։ Փոքր-ինչ անուշադրության դեպքում կարող է պատահել այն, ինչը երբեք չես պատկերացնի,- ասաց Լիլիթը և շարունակեց,-ի տարբերություն տղամարդկանց, ովքեր հաճախ գիտակցելով են խախտումներ անում, կանայք հազվադեպ են խախտում երթևեկության կանոնները, իսկ եթե խախտում են՝ պատճառը չիմացությունն է ու անփորձությունը՚։
Այնուամենայնիվ, մեքենա վարելու կանացի ոճը շատերն են անկանխատեսելի համարում։ Ճանապարհային ոստիկանության տեսուչները հարցին, թե ինչքանո՞վ են կին վարորդները հետևում երթևեկության կանոններին, պատասխանեցին, որ կան և՜ կանոնները խախտող (շատ հաճախ չիմացության պատճառով), և՜ երթևեկության կանոններին հետևող կին վարորդներ։ Նրանց կարծիքով, յուրաքանչյուր վարորդ՝ կին թե տղամարդ, ունի մեքենա վարելու իր ուրույն ոճը։ Եվ որոշակի սահմանման վերագրումը բոլորին ճիշտ չէր լինի։ Տեսուչներն առհասարակ յուրաքանչյուր վարորդի խորհուրդ են տալիս լինել միշտ զգոն ու սթափ։
Մասնագիտությամբ հոգեբան, լոգոպեդ Էմմա Մելքումյանն արդեն 15 տարի է, ինչ մեքենա է վարում։ Նա առաջարկում է ՙվտանգավորության՚ պիտակ չկպցնել կին վարորդներին։ ՙԺամանակները, կյանքը և մտածելակերպը փոխվել են։ Մեքենա վարելը կնոջ համար այսօր արդեն պահանջ է, իսկ մեքենա ունենալը՝ անհրաժեշտություն՚,- ասում է տիկին Էմման և խոստովանում, որ շատ է սիրում մեքենա վարել։ Դեռ մանկուց էր երազում այդ մասին, բայց սեփական ավտոմեքենա չունենալու պատճառով տարիներ հետո միայն երազանքն իրականություն դարձավ։ Սեփական ավտոմեքենա ունենալուն պես տիկին Էմմայի ամուսինը, հաշվի առնելով կնոջ նախասիրությունը, նրան վարել սովորեցրեց։ Այսօր նրանց ընտանիքում մեքենա վարելու արհեստին տիրապետում են նաև նրանց դուստրերը։ ՙԳուցե կարծիքս հակասում է որոշ տղամարդկանց, բայց կանայք սովորաբար առավել ուշադիր ու պատասխանատու վարորդներ են։ Բացառություններ միշտ էլ կան, բողոքել պետք չէ, վատ վարորդների կարելի է հանդիպել նաև տղամարդկանց շրջանում՚,- ասում է տիկին Էմման։ Նա սկսնակ կին վարորդներին խորհուրդ է տալիս մեքենա վարելը եսակենտրոն վարքի դրսևորման տարբերակ չդարձնել, սահմանված արագությունը երբեք չգերազանցել, միշտ հետևել ճանապարհին, զիջել անցորդներին, վարել համարձակ և, ամենակարևորը, առանց լարվածության։ ՙՍովորաբար կանայք ավելի զգացմունքային են ու տպավորվող, այդ պատճառով, հայտնվելով վտանգավոր իրավիճակներում, ավելի հաճախ են խուճապի մատնվում։ Բայց կանանց մոտ ավելի լավ է զարգացած ինքնապաշտպանության ռեֆլեքսը, ինչն էլ նպաստում է մեքենայի ավելի ուշադիր վարելուն։ Այնպես որ, կին և տղամարդ վարորդներին համեմատել պետք չէ։ Եվ եթե անգամ մեքենա վարելուց ինչ-որ տեղ թերանում են կին վարորդները, ապա միայն մեքենայի տեխնիկական խնդիրների դեպքում. այս պարագայում կանայք միանշանակ զիջում են՚,- խոստովանում է տիկին Էմման։
Ճիշտ է, հաճախ ամայի տարածքում վարելիս, հանգստություն և առողջ դատողություն ցուցաբերելով, ներշնչվում ես ինքնավստահությամբ, բայց անհրաժեշտ է գիտակցել, որ հարթ ու սահուն ճանապարհը փոխարինվում է դժվար ու ոլորապտույտ ճանապարհներով։ Ասել է թե` ցանկացած պահի պետք է զգոն լինել:
Այնուամենայնիվ, անհրաժեշտությունը, և պարզապես ցանկությունն ու նորաձևության հետ քայլելու մոլուցքը պետք է կարողանալ տարանջատել միմյանցից։ Պետք է հասկանալ, որ մեքենան շքեղություն չէ, այլ փոխադրամիջոց։ Իսկ վարորդական իրավունքը պարզապես նվեր ստացած մեքենայի բաղկացուցիչ մաս չպետք է լինի։ Եթե փորձում և այդպես էլ չեք կարողանում վարել մեքենան, կամ սովորել երթևեկության կանոնները, փորձեք փնտրել այլ փոխադրամիջոց՝ խուսափելով և՜ ձեր, և՜ մյուսների կյանքը վտանգի ենթարկելուց։

 

 

 

 

]]>
arturcom1@gmail.com (Super User) Սոցիալական Mon, 01 Apr 2019 17:11:46 +0000
Բորիս Ենգիբարյանին շնորհվել է ոստիկանության գեներալ-մայորի կոչում http://artsakhtert.com/arm/index.php/official/item/26364-2019-04-01-15-39-27 http://artsakhtert.com/arm/index.php/official/item/26364-2019-04-01-15-39-27 Նախագահ Բակո Սահակյանն…]]> arturcom1@gmail.com (Super User) Պաշտոնական Mon, 01 Apr 2019 15:39:10 +0000