ՙՂԱՐԱԲԱՂ - ԹԱՔՆՎԱԾ ԳԱՆՁ՚
Այս վերտառությունը կրող վավերագրական ֆիլմի ղարաբաղյան շնորհանդեսը, որին մասնակցել են նաև կառավարության անդամներ, պաշտոնատար այլ անձինք` ԼՂՀ Նախագահ Բակո Սահակյանի գլխավորությամբ, կայացավ փետրվարի 29-ին:
Հիշեցենենք, որ ֆիլմի ռեժիսորը Ջիվան Ավետիսյանն է, որը հաղթող է ճանաչվել ԼՂՀ կառավարությանն առընթեր զբոսաշրջության վարչության կողմից հայտարարված մրցույթում: Հենց զբոսաշրջության վարչությունն էլ հովանավորել է ֆիլմի ստեղծումը:
Ինչպես նշեց վարչության պետ Սերգեյ Շահվերդյանը, ֆիլմի նպատակն է պրոպագանդել Արցախն ու նրա զբոսաշրջային գրավչությունն ամբողջ աշխարհում:
Ֆիլմի տևողությունը 33 րոպե է: Ինչո±ւ այդքան կարճ: Ս. Շահվերդյանի մեկնաբանությամբ` հանդիսատեսներին չհոգնեցնելու համար:
Իր խոսքում Ջ. Ավետիսյանը նշեց, որ ցանկացած գործ հաջողությամբ է պսակվում լավ թիմի ու համախոհների առկայության դեպքում, շնորհակալություն հայտնեց բոլոր նրանց, ովքեր աջակցել են ֆիլմի ստեղծմանը: ՙՂարաբաղ-թաքնված գանձ՚ ֆիլմը նկարահանվել է 6 ամսում:
Երկրի ղեկավարը կարևորել է նման ֆիլմերի ստեղծումը` այն համարելով լավ հնարավորություն ինչպես Արցախն արտաքին աշխարհին ներկայացնելու, այնպես էլ մեր երկրի զբոսաշրջային գրավչությունը բարձրացնելու տեսանկյունից:
Սեփ. լրատվություն