Արցախի Հանրապետության գործող Նախագահ Բակո Սահակյանը հուլիսի 19-ին քվեարկել է Ստեփանակերտի թիվ 24 ընտրատեղամասում:
Բակո Սահակյանը կարեւորել է ընտրությունների դերը մեր հանրապետության կյանքում՝ հավելելով, որ դրանք ցույց են տալիս մեր երկրում ժողովրդավարության իրական աստիճանը, Արցախի հավատարմությունը միջազգային նորմերին ու չափանիշներին:
Բակո Սահակյանի կարծիքով՝ այս անգամ եւս Արցախում հաջողվել է բարձր մակարդակով եւ միջազգային չափանիշներին համապատասխան անցկացնել նախընտրական քարոզարշավը` բոլորի համար հավասար պայմաններում, ազատ ու թափանցիկ:
Ինչ վերաբերում է իր ընտրությանը, ապա գործող Նախագահը նշել է, որ իր քվեն տվել է միասնության, համատեղ աշխատանքի, հզոր ու անկախ պետության կառուցման օգտին:
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ
ՏԵՂԵԿԱՏՎՈՒԹՅԱՆ ԳԼԽԱՎՈՐ ՎԱՐՉՈՒԹՅՈՒՆ