ՀԱՍԱՐԱԿԱՅՆՈՒԹՅԱՆ ԾԱՆՈՒՑՈՒՄ
Սիրելի հայրենակիցներ
Հոկտեմբերի 14-ին հանրապետությունում մեծ շուքով նշվելու է գյուղատնտեսության աշխատողի օրը։ Հանրապետության Վերածննդի հրապարակում առավոտյան ժամը 9։00¬ից կանցկացվեն մի շարք մշակութային և տոնական միջոցառումներ։
Նշված միջոցառումներին համաժողովրդական բնույթ տալու նպատակով ԱՀ գյուղատնտեսության նախարարությունը կկազմակերպի նաև գյուղատնտեսական մթերքների և արտադրատեսակների նմուշների ցուցահանդես¬տոնավաճառ, ինչի շնորհիվ դուք կարող եք ոչ միայն ծանոթանալ ու համտեսել Արցախի բերքն ու բարիքը, այլ նաև գնել այն շուկայականից ցածր գներով։
Հանրապետության բոլոր տնտեսվարող սուբյեկտներին և անհատներին հնարավորություն է ընձեռվում իրենց մթերքն ու արտադրանքը ցուցադրելու և վաճառելու։
Ցուցահանդես¬տոնավաճառին մասնակցելու նպատակով մինչև սույն թվականի հոկտեմբերի 6-ը ցանկացողները կարող են հայտ ներկայացնել համապատասխան շրջվարչակազմի գյուղատնտեսության բաժին կամ դիմել ԱՀ գյուղատնտեսության նախարարություն։
Լրացուցիչ տեղեկությունների համար զանգահարել 04795-67-11 հեռախոսահամարով։