Նախագահ Բակո Սահակյանն ապրիլի 12-ին ստորագրել է կարգադրություն` 2013 թվականի ապրիլին անցկացված ցուցադրական մարտական հրաձգությամբ գնդային մարտավարական զորավարժության ընթացքում ցուցաբերած ակտիվության եւ ձեռք բերած բարձր արդյունքների համար պաշտպանության բանակի մի խումբ զինծառայողների արժեքավոր նվերներ հանձնելու մասին:
Նախագահը կարեւորել է նման միջոցառումների անցկացումը՝ նշելով, որ այն նպաստում է զինված ուժերի մարտունակության բարձր մակարդակի պահպանմանը:
Երկրի ղեկավարն արժեքավոր նվերներ է հանձնել մի խումբ զինծառայողների` զորավարժությունների ընթացքում դրված առաջադրանքների պատշաճ կատարման համար:
Ապրիլի 10-ին ՙԱրցախի երիտասարդության զարգացման կենտրոն՚ ՀԿ գրասենյակում երիտասարդական կառույցների ներկայացուցիչների հետ կայացած հերթական քննարկումը վերաբերում էր 1992թ. Մարտակերտի շրջանի Մարաղա գյուղում թուրք ազերիների կողմից իրականացված ոճրագործություններին։ Հանդիպման ժամանակ ներկաները դիտեցին ՙՄարաղա, 10 ապրիլ, 1992թ.՚ ֆիլմը, որը ռեժիսոր և հեղինակ Մարինա Գրիգորյանի ՙՍովորական ցեղասպանություն՚ շարքի 3-րդ ֆիլմն է։ Այս նախագիծն իրականացվել է ՀՀ նախագահի աշխատակազմի Հանրային կապերի և տեղեկատվության կենտրոնի աջակցությամբ։ 
Ապրիլի 10-ին լրացավ Մարաղայի ջարդերի 21-րդ տարին։ Արդեն ավելի քան 20 տարի է՝ այդ օրը հին ու նոր մարաղեցիները հավաքվում են նշելու հիշատակն այդ ջարդերի զոհը դարձրած իրենց հարազատների, սգալու և աշխարհի ուշադրությունը հրավիրելու, արդար հատուցում պահանջելու թուրք-ազերիների վայրագությունների դիմաց։
Հանդիպմանը, որին ներկա էր Արցախի Հանրապետության պաշտպանության նախարար Մովսես Հակոբյանը, քննարկվել են բանակաշինությանը եւ այդ ոլորտում երկու հայկական պետությունների համագործակցությանը վերաբերող մի շարք հարցեր:
