ԹԱՓՈՒՐ ՊԱՇՏՈՆ ԶԲԱՂԵՑՆԵԼՈՒ ՄԱՍԻՆ
ԱՀ Քաշաթաղի շրջանի վարչակազմի աշխատակազմը հրավիրում է զբաղեցնելու հետևյալ թափուր պաշտոնը՝
ԱՀ Քաշաթաղի շրջանի վարչակազմի աշխատակազմի տեղական ինքնակառավարման և վերաբնակեցման բաժնի 1-ին կարգի մասնագետ /ՏԻՄ –ի գծով/, /ծածկագիր՝ 48-4.2-33/։
Բաժնի վարիչի հանձնարարությամբ մասնակցում է շրջանի տեղական ինքնակառավարման մարմինների գործունեության հետ կապված գործառույթներին, կազմում համայնքների ծխամատյանները, իրականացնում Բաժնի փաստաթղթային սպասարկումը, ապահովում փաստաթղթաշրջանառության վարման աշխատանքները։ Բաժնի վարիչի հանձնարարությամբ իրականացնում է Բաժնի առջև դրված գործառույթուններից և խնդիրներից բխող իրավական ակտերի, առաջարկությունների, եզրակացությունների և այլ փաստաթղթերի պահպանության և արխիվացման աշխատանքները։
Նշված թափուր պաշտոնը զբաղեցնելու համար պահանջվում է՝ առնվազն միջնակարգ կրթություն։
Դիմող ԱՀ քաղաքացիները Քաշաթաղի շրջանի վարչակազմի աշխատակազմ պետք է ներկայացնեն հետևյալ փաստաթղթերը՝
- գրավոր դիմում /ձևը լրացվում է փաստաթղթերը ներկայացնելիս/,
- կրթությունը հավաստող պետական նմուշի փաստաթղթի /փաստաթղթերի/ պատճենը /պատճենները/,
- աշխատանքային գրքույկ /ունենալու դեպքում/,
- քաղաքացիական ծառայության կրտսեր պաշտոն զբաղեցնելու հավաստագրի պատճենը,
- արական սեռի անձինք՝ նաև զինվորական գրքույկի կամ դրան փոխարինող ժամանակավոր զորակոչային տեղամասի կցագրման վկայականի պատճենը՝ բնօրինակի հետ միասին կամ համապատասխան տեղեկանք,
- մեկ լուսանկար՝ 3x 4 չափսի,
- անձնագրի և սոցիալական քարտի պատճենը։
Փաստաթղթերն ընդունվում են ամեն օր՝ ժամը 9.00-ից մինչև 18.00-ն, բացի շաբաթ և կիրակի օրերից։
Դիմումներն ընդունվում են հայտարարության հրապարակման հաջորդ օրվանից՝ 10 աշխատանքային օրվա ընթացքում։