Items filtered by date: Հինգշաբթի, 17 Մարտի 2016

Արցախի Հանրապետության Նախագահ Բակո Սահակյանը մարտի 17-ին ընդունել է Հայաստանի Հանրապետության Սահմանադրական դատարանի նախագահ Գագիկ Հարությունյանին:

Մարտի 16-ին և լույս 17-ի գիշերը ղարաբաղա-ադրբեջանական հակամարտ զորքերի շփման գծում հակառակորդը, տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 400 կրակոց:

Մարտի 14-16-ը Արցախում էր Բելգիայի Թագավորության Ֆլանդրիայի խորհրդարանական պատվիրակությունը

Արցախի Հանրապետության վարչապետ Արայիկ Հարությունյանը մարտի 15-ին մասնակցել է Բեյրութում կազմակերպված՝ Արցախի անկախության 25-րդ տարեդարձին նվիրված միջոցառմանը, ինչպես նաև հանդիպում է ունեցել մի խումբ լիբանանցի գործարարների հետ: 

Արցախի Հանրապետության վարչապետ Արայիկ Հարությունյանը մարտի 14-ին մի շարք հանդիպումներ է ունեցել Լիբանանի Հանրապետության հայկական համայնքի տնտեսական, կրթական և քաղաքական շրջանակների հետ։

 ՙԱրցախ Րութս Ինվեսթմընթ՚ (ԱՐԻ) ընկերության բաժնետերերի տարեկան ընդհանուր ժողովում դիմելով ներկաներին՝ Ա. Հարությունյանը գոհունակություն է հայտնել ընկերության կողմից նախորդ տարիներին Արցախում կատարված աշխատանքներից, որոնք ընդգրկել են միլիոնավոր դոլարի  ներդրումներ։ ՙՈւրախ եմ, որ տարեցտարի աճում է թե՜ շահառուների, թե՜ բաժնետերերի թիվը, ինչը վկայում է ծրագրի արդյունավետության և վստահելիության բարձր մակարդակի մասին։ Հավատացած եմ, որ ժամանակի ընթացքում ավելի շոշափելի ձեռքբերումներ կարձանագրենք մեր ճանապարհին՝ Քաշաթաղի շրջանին հնարավորություն ընձեռելով զարգացման նոր փուլ թևակոխել։ ՙԱՐԻ՚-ն օրինակելի նախագիծ է աշխարհասփյուռ հայության համար, քանի որ այն, կառավարության երաշխիքներով ու տոկոսների մասնակի սուբսիդավորմամբ, ընդգրկում է փոքր և միջին ներդրումներ մեր հայրենակիցների կողմից։ Ընկերության կողմից տրամադրվող միկրովարկերի միջոցով թե՜ Արցախի բնակիչներն են հնարավորություն ստանում եկամուտի սեփական աղբյուր ստեղծել, թե՜ բաժնետերերն են շահույթ ստանում իրենց ներդրումներից՝ միաժամանակ հայրենիքի համար կատարելով օգտակար գործ՚,- նշել է Ա. Հարությունյանը։

Բեյրութի Հայկազյան համալսարանում հանդիպելով դասախոսական կազմի և ուսանողների հետ՝ Ա. Հարությունյանը հակիրճ ներկայացրել է Արցախի պետականակերտման և տնտեսության զարգացման հաջողությունները, խնդիրներն ու հեռանկարները։ Նա կարևորել է լիբանանահայ համայնքի փորձն ազգապահպանության գործում, որում իր զգալի ներդրումն է ունեցել նաև Հայկազյան համալսարանը։ Վարչապետը վերջում պատասխանել է ներկաների տարաբնույթ հարցերին։

Ա. Հարությունյանն առանձին հանդիպումներ է ունեցել նաև Լիբանանում գործող Հայ հեղափոխական դաշնակցություն, Ռամկավար ազատական և Սոցիալ-դեմոկրատական հնչակյան կուսակցությունների ղեկավար կազմերի հետ։ Հանդիպումների ընթացքում Արայիկ Հարությունյանը ողջունել է նշված կառույցների հայապահպան գործունեությունը՝ կարևորելով, որ նրանց ուշադրության կիզակետում լինի հայրենիքը՝ որպես բոլոր հայերի օրրան։ Կուսակցությունների ներկայացուցիչների հետ վարչապետը քննարկել է հետագա համագործակցության հնարավորությունները և այդ ուղղությամբ ձեռք բերել պայմանավորվածություններ։

Այցի շրջանակներում Ա. Հարությունյանը հանդիպում է ունեցել Հայ բարեգործական ընդհանուր միության լիբանանյան կառույցի ներկայացուցիչների հետ։ Հանդիպմանը մասնակցում էին նաև Լիբանանի Հանրապետության հայազգի պատգամավորներ ու նախարարներ։ 

Արցախի Հանրապետության Նախագահ Բակո Սահակյանը մարտի 17-ին ցավակցական ուղերձ է հղել Ասկերանի շրջանի հոգեւոր հովիվ Էմանուել  քահանա Վարդանյանի ընտանիքին:

Օրերս ԼՂՀ գյուղատնտեսության նախարարությունում հրավիրվել էր աշխատանքային խորհրդակցություն, որին մասնակցում էին նաև ԼՂՀ ԿԱ արտակարգ իրավիճակների պետական ծառայության տնօրեն Արթուր Հարությունյանը, ծառայության ստորաբաժանումների ղեկավարներն ու հանրապետության շրջանների շրջվարչակազմերի գյուղոլորտի պատասխանատուները:

Բելգիայի Թագավորության Ֆլանդրիայի տարածաշրջանի խորհրդարանական պատվիրակության կազմում Արցախ ժամանած Եվրոպայի քոլեջի պրոֆեսոր, միջազգային հարաբերությունների հայտնի մասնագետ Փոլ Միրթսը մարտի 15-ին հանդիպել է Արցախի պետական համալսարանի ուսանողներին և նրանց առջև հանդես եկել ՙՄիջազգային բանակցային գործընթացը՚ թեմայով դասախոսությամբ:

Ապրիլի 1-30-ը մայրաքաղաքում հայտարարված է ծառատնկման, սանիտարական մաքրման և բարեկարգման աշխատանքների միամսյակ, որի պատշաճ անցկացման համար Ստեփանակերտի քաղաքապետարանում ստեղծվել է հանձնաժողով` քաղաքապետի տեղակալ Արմեն ՀԱԿՈԲՅԱՆԻ նախագահությամբ։

Օրերս ՙԱրցախգազ՚  փակ բաժնետիրական ընկերությունում հրավիրված հերթական խորհրդակցությունը նվիրված էր գազից օգտվելու անվտանգության կանոնների պահպանմանը: