ՀԱՆՁՆԱԺՈՂՈՎԻ ՆՈՐ ՈՐՈՇՈՒՄՆԵՐԸ

 Պարզեցվել է կայաններից առաքվող էլեկտրաէներգիայի  սակագնի հաշվարկման բանաձևը, կհաշվարկվեն նաև արևային կայաններից և փոքր հիդրոէլեկտրակայաններից առաքվող էլեկտրաէներգիայի սակագները: 

Գործող մեթոդաբանությամբ հաշվարկային բանաձևում օգտագործվում էր միայն դոլարի փոխարժեքի մեծությունը, նորով մտցվել է նաև եվրոյի  փոխարժեքը: 

Առաջին անգամ հաշվարկվող սակագներն ուժի մեջ կմտնեն ս.թ. հուլիսի 1-ից, իսկ այն կայանների համար, որոնցից  առաքվող էլեկտրաէներգիայի սակագնի սահմանման որոշման  գործողության վեցամսյա ժամկետը լրանում է սույն  որոշումն ուժի մեջ մտնելուց հետո, ապա` այդ ժամկետից:      

Հաջորդ երկու որոշումներով  փոփոխություններ կատարվեցին   հանձնաժողովի նախկինում ընդունած որոշումներում. ըստ այդմ` փոքր հէկերի համար  առավելագույն հզորությունը սահմանվեց  30 մեգավատ` նախկին  10 մեգավատի փոխարեն: Հանձնաժողովի մյուս որոշումներով, հիմք ընդունելով նաև ԱՀ  ռադիոսպորտի ֆեդերացիայի համապատասխան գրությունը,  բավարարվեցին 1-ին կարգի  չորս  սիրողական  ռադիոօպերատորների հայտերը` սիրողական ռադիօպերատորներին հատկացված ռադիոհաճախականությունների տիրույթների օգտագործման թույլտվություն ստանալու մասին` 10 տարի գործողության ժամկետով:  Ինչպես ներկայացրին ռադիօպերատորները` նրանք  պատանիներին կծանոթացնեն ռադիոտեխնիկայի հիմունքներին: 

Սվետլանա ԽԱՉԱՏՐՅԱՆ