[ARM]     [RUS]     [ENG]

GG-Ն ԱՐԴԵՆ ԱՐՑԱԽՈՒՄ Է

GG տրանսպորտային միջոցների ավտոմատացման համակարգն Արցախում հասանելի դարձավ հուլիսի 11-ից։

Ըստ GG-ի տարածքային համակարգող Արտյոմ Գևորգյանի` թեև կարճ ժամանակ է, ինչ այս ծառայությունը գործում է  Ստեփանակերտում, այդուհանդերձ, արդեն կա զգալի առաջընթաց. շատ քաղաքացիներ են  օգտվում  ծառայությունից։

Պարզվում է, որ նոր ծառայությունից օգտվելու համար բավական է ներբեռնել GG հավելվածը սմարթֆոնի մեջ և երթևեկել նվազագույն 2 կմ-ը 400 դրամով (այնուհետև յուրաքանչյուր 1 կմ-ը` 100 դրամ):

ՙԴեռևս 2016-ին է GG -ն փորձել  արցախյան շուկա մտնել, սակայն համացանցի գնի և տեխնիկական մի շարք պատճառներով չի կարողացել աշխատել՚,- նշել է Արտյոմ Գևորգյանը` հավելելով, որ հիմա իրավիճակն արդեն այլ է, քանի որ համարյա ամենուր գործում է անլար համացանց։

Պարզվեց, որ պատվերներ դեռևս միայն Ստեփանակերտից են ընդունվում, երբեմն լինում են նաև դեպի շրջաններ, սակայն դա բոլորովին չի ազդում գնի փոփոխության վրա:

Հաշվի առնելով հաճախորդների դրական արձագանքը և օրեցօր մեծացող պահանջարկը` Արցախում GG-ի ներկայացուցիչը չի բացառում, որ հնարավոր է իրենց ծառայությունը հասանելի լինի նաև շրջաններին:

Թամար ՂԱՐԱԽԱՆՅԱՆ