Ամեն ինչ մի օր կրկնվում է
Անի ՄԱՆԳԱՍԱՐՅԱՆ
<<Ազատ Արցախ>>- թերթում ազատամարտի դժվարին տարիների մասին պատմող՝ <<Շոկոլադը պսպղուն թերթիկներով>> Անի Մանգասարյանի վերհուշից 3 օր անց սկսվեց թշնամու հերթական ռազմական ագրեսիան Արցախի դեմ։ Շուրջ 30 տարի անց ամեն ինչ կրկնվեց․
-Հայեր, միացե'ք, միացե'ք հայեր, Արցախն է Ձեզ կանչում օգնությա՜ն հասեք...- Երևանյան փողոցներում ամենուր հայրենակոչ երգն է։
<<ՀԱՂԹԵԼՈՒ ԵՆՔ>> արցախյան դրոշներով ավտոբուսներից լսվում է կամավորների Ուխտը։ Ճանապարհող տատիկն օրհնում է տղաներին .
-Ղարաբաղա բաբոն է Ձեզ ասպասում։ Բարով գնացեք։
-Լոխ լյավա ինան,-ասում եմ մտքում, և փոքրիկիս հետ քայլերս ուղղում մարդաշատ մայթ։
-Հա՜յր մեր ...
Եկեղեցում պատարագ է։
Խունկի բույրն Աստծուն աղոթքներ է տանում.Ամեն զինվոր մի տան ճրագ է ...
Տեր, ողորմեա'...
Արկղերը հսկող զինվորական գլխարկով աղջնակը Նարան է։Արկղերի մեջ շոկոլադ է ու աշնան տերևներ։ Պսպղուն թերթիկների մեջ շոկոլադ՝ հասցեագրված Զինվորին.
<<Սպասում ենք։Եկե'ք, որ տանը չմնանք>>,- թիկունքում սպասող աղջնակներ։
Աշնան տերևները հատ-հատ տեղավորվում են արկղերի մեջ։ Փոքրիկս տերևները փունջ հավաքելով՝ փոխարենը արկղում փայլփլող շոկոլադե տուփ է դնում՝ <<Զինվորիկիս>> գրությամբ։ Հիշեցի 92-ի Արցախյան պատերազմը։Շուրջ 30 տարի առաջ սեղանիկից շոկոլադը թաքուն թևի տակ առնող <<Փոքրիկիս>> ... Օրեր առաջ էի այդ մասին գրել ...
Ո՞վ իմանար, որ երկու օր հետո <<Փոքրիկ>>-ի փոքրիկը կանցնի այդ փողոցով և իր բաժին պսպղուն շորիկներով շոկոլադը կուղարկի պատերազմող Զինվորին։ Կսպասի հայրիկի զանգին ու մայրիկի ականջին կասի՝ տնակս... բարուրած տիկնիկներս... փայլփլուն շորիկներս, գրքերով պայուսակս ... Կարոտել ենք։
ԱՐՑԱԽ-ը կանչում է։