Գազի թանկացումն ինչ-որ չափով իր ազդեցությունն ունեցավ էլեկտրաէներգիայի սակագնի բարձրացման վրա, այնուամենայնիվ, բնակչության մի ստվար մասը տների ջեռուցման համար գազի օգտագործումից անցել է հոսանքով ջեռուցմանը: 
Ինչպես տեղեկացրել էինք, նոյեմբերի 12-ին ՙՎալեքս Գարդեն հոթել՚ ընկերության կողմից Ստեփանակերտում կազմակերպվել էր համաժողով՝ նվիրված Արցախում զբոսաշրջության զարգացման թեմային։ Համաժողովին ներկայացել էին հայաստանյան խոշոր տուրգործակալությունների գրեթե բոլոր ղեկավարները, ոլորտում գործունեություն ծավալող այլ անհատներ, ինչպես նաև ԼՂՀ զբոսաշրջության և պատմական միջավայրի պահպանության վարչության պետ Սերգեյ Շահվերդյանը։
ԼՂՀ առողջապահության նախարարությունը նոյեմբերի 1-ից վերսկսել է գրիպի և վերին շնչուղիների հիվանդությունների դիտարկումները։ Տարբեր բուժհիմնարկներից ստացված ամենօրյա տվյալները հաղորդում են ԼՂՀ առողջապահության նախարարության համաճարակաբանության և հիգիենայի կենտրոն, վերջինս էլ՝ պետական հիգիենիկ և հակահամաճարակային տեսչություն։ Դիտարկումներն իրականացվում են նաև հանրապետության բոլոր նախադպրոցական և ուսումնական հաստատություններում, որոնց տվյալները նույնպես հաղորդվում են համաճարակային տեսչություն։
Առողջապահության համաշխարհային կազմակերպության անդամ երկրները նոյեմբերի 14-ին նշեցին Շաքարային դիաբետի համաշխարհային օրը:
Ինչպես արդեն տեղեկացրել ենք, ամերիկահայ բանաստեղծուհի Սոնա Վանը այցելեց Ստեփանակերտ, հանդիպում ունեցավ գրողների հետ։ Բանաստեղծուհին հեղինակ է մի շարք գրքերի՝ ՙՓշրանքներ՚ (1998), ՙԵս անուն չունեմ՚ (2003), ՙԵս ձայն եմ լսում՚ (2008), ՙՉարա անունով թռչունը՚ (2010)։ Նրա գրքերը թարգմանվել են ֆրանսերեն, անգլերեն, ռուսերեն, բելառուսերեն, ուկրաիներեն, վրացերեն։ 