Items filtered by date: Հինգշաբթի, 23 Մայիսի 2013

1990p. հունվարի 13-19-ը Բաքվում հայ ազգաբնակչության նկատմամբ իրականացված սպանդի և բռնությունների առնչությամբ բազմաթիվ փաստեր ու իրեղեն ապացույցներ են վկայակոչել հատկապես ոչ հայկական աղբյուրները։ Բաքվի ոճրագործությունները դատապարտվել են աշխարհի քաղաքակիրթ հանրության կողմից, այդ իրադարձությունները վավերագրված են 1990թ. փետրվարի 19-ին և մարտի 1-ին գումարված ԽՍՀՄ Գերագույն խորհրդի 3-րդ նստաշրջանի նյութերով։ 

Ազատ Արցախ՚ թերթի համարներից մեկում տպագրվել է գյուղատնտեսական գիտությունների դոկտոր, պրոֆեսոր Գեորգի Հակոբյանի ՙԱրցախի գյուղատնտեսության զարգացման երաշխիքները՚ հոդվածը, որում հեղինակն այն տեսակետն է հայտնում, որ պետք է երկրամասում վերականգնել կոլեկտիվ տնտեսությունները։

Ապագա սերունդների հիմնադրամը մեր հանրապետությունում սկսել  է գործել բոլորովին վերջերս: Կառույցն ստեղծվել է 2012 թ. դեկտեմբերին, սակայն այս ընթացքում հասցրել է դառնալ  մի շարք լուրջ և ողջունելի միջոցառումների համահեղինակն ու նախաձեռնողը: Հիշեցնենք, որ Արցախում նման հիմնադրամ ունենալու գաղափարը պատկանում է  անվանի գիտնական« ՙԳեոսերվիս՚ ընկերության նախագահ, ԽՍՀՄ երկրաբանության և ընդերքի պահպանման նախկին նախարար, Ռուսաստանի նավթի և գազի ակադեմիայի գիտխորհրդի անդամ,  ԼՂՀ նախագահի խորհրդական, երկրաբանահանքաբանական գիտությունների դոկտոր Գրիգորի Գաբրիելյանցին: 

Լրացավ Սոցիալիստական աշխատանքի հերոս, պետական և հասարակական գործիչ, կոլեկտիվ տնտեսության հմուտ կազմակերպիչ Սուրեն Ադամյանի ծննդյան 100-ամյակը։

Մարտունու շրջանի Ճարտարի ՙԿոմունիզմ՚  կոլտնտեսության վաստակաշատ նախագահի հոբելյանը արժանվույնս նշելու համար ստեղծվել են  կառավարական և շրջանային հանձնաժողովներ:

Մայիսի 20-ին Արցախի պետական համալսարանում  մեկնարկեցին 2012-2013 ուսումնական տարվա ամփոփիչ ատեստավորման քննությունները, ինչպես նաև ավարտական աշխատանքների ու մագիստրոսական թեզերի պաշտպանությունը։

Ինչպես տեղեկացրեց ԱրՊՀ ուսումնական աշխատանքների գծով պրոռեկտոր Արտեմ Աբրահամյանը,  այս տարի մայր բուհը կունենա 1032 շրջանավարտ, որից 790¬ը՝ բակալավր և 242¬ը՝ մագիստրոս ինչպես առկա, այնպես էլ հեռակա ուսուցման բաժիններից (28 մասնագիտությունների գծով)։ Ա. Աբրահամյանի խոսքերով՝ բուհն ավարտողների շրջանում զգալի թիվ են կազմում խելացի, բանիմաց կադրերը, որոնցով համալսարանը, հիրավի, կարող է հպարտանալ։ 

Մայիսի 10-ին Շուշիի Նարեկացի արվեստի միությունում մեծ աշխուժություն էր տիրում։ Երաժշտասերները` Շուշիից, Ստեփանակերտից, մեծ ոգևորություն էին ապրում. երեկոյան համերգին՝ ՙՀայտնի և անհայտ Կոմիտասը՚ վերտառությամբ,  պետք է հնչեին միայն  հայ մեծանուն երաժշտագետի երգերը` դասական ոճով և ջազային մեկնաբանությամբ: Ելույթ ունեցողներն էին  Երեւանի Կոմիտասի անվան պետական կոնսերվատորիայի դասախոս, Վիեննայի կամերային օպերային թատրոնի մեներգչուհի, միջազգային և հանրապետական մրցույթների դափնեկիր Լուսինե Ազարյանը (սկզբում նվագակցում էր Մարինա Խաչատրյանը) և աշխարհահռչակ ջազ-դաշնակահար, միջազգային ջազ-մրցույթների դափնեկիր Տիգրան Համասյանը: