ԿՐԿԻՆ՝ ՄՐՑԱՆԱԿԱՅԻՆ ՏԵՂԵՐ
Հունիսի 16-17-ը Երևանում կայացավ Հայաստանում ձյուդո մարզաձևի հիմնադիր Թելման Քոչարյանի անվան հանրապետական կարգի 17-րդ հուշամրցաշարը։
Ավելի քան 280 մարզիկների շարքում էին արցախցի 5 ձյուդոիստներ:
Հանրապետական մանկապատանեկան մարզադպրոցի ձյուդոյի գլխավոր մարզիչ Իվան Ազիզբեկյանի խոսքով` մրցաշարին մասնակցած մեր պատանի մարզիկները լարված մրցակցության պայմաններում կարողացել են դրսևորել իրենց հմտությունները և գրավել մրցանակային տեղեր։
Տարբեր քաշային կարգերում 3-րդ պատվավոր տեղերը զբաղեցրել են Աշոտ Պարսիյանցը (27կգ), Արման Մանգասարյանը (30կգ), Արեն Ծատրյանը (34 կգ), իսկ Աղվան Պետրոսյանը 66 կգ քաշային կարգում, զիջելով միայն չեմպիոնին, արժանացել է արծաթե մեդալի: Մրցանակային տեղեր զբաղեցրած մարզիկները պարգևատրվել են մեդալներով ու պատվոգրերով։
Ի. Ազիզբեկյանը սպասելիքներ շատ ունի իր սաներից, իսկ մարզիկների մրցակցային փորձն աճում է տարբեր մրցաշարերի ակտիվ մասնակցությամբ։ Ուստի անհրաժեշտ է առավել շատ մարզիկների ներգրավել տարաբնույթ մրցաշարերի, որպեսզի զարգանա ձյուդոիստների մարզական տեխնիկան։