[ARM]     [RUS]     [ENG]

ԼՐԱԳՐՈՒԹՅԱՆ ԴԱՍԸՆԹԱՑ ՙԹՈՒՄՈՅՈՒՄ՚

Օրերս ՙԹումո՚ ստեղծարար տեխնոլոգիաների Ստեփանակերտի կենտրոնը հյուրընկալեց դասընթացավար, լրագրող Գրիգոր Աթանեսյանին, ով հանդես եկավ 21-րդ դարի լրագրության մասին դասախոսությամբ, կիսվեց իր  մասնագիտական փորձով։

Սեմինարին ներկա էին լրագրողներ, տեղեկատվական տեխնոլոգիաներով և լրագրությամբ հետաքրքրվող մարդիկ։ ՙՄարդկային պատմությունները  լսարանը գրավում են  հետճշմարտության ժամանակաշրջանում՚. այսպիսի թեմա ընտրելով, Գ. Աթանեսյանը, օրինակ բերելով աշխարհի հանրահայտ լրատվամիջոցների աշխատաոճը, ներկայացրեց, թե ինչպիսի միտումներով  է զարգանում ժամանակակից լրագրությունը, ինչ տեխնոլոգիաներ, մեխանիզմներ են կիրառվում՝ լսարան ապահովելու համար, ինչ պահանջներ ունի ժամանակակից ընթերցողը, ինչ հետաքրքրություններ, և ինչպես  կարող է  լրատվամիջոցն ազդել այդ  հետաքրքրությունների ձևավորմանը։ 

Անդրադարձ եղավ  տպագիր մամուլի ճգնաժամին՝ էլեկտրոնային մեդիայի զարգացման արդյունքում, գովազդի ճիշտ օգտագործմանը, մեդիայի զարգացման խոչընդոտներին և այլն։ Աշխարհում, այդ թվում և մեդիա ոլորտում տեղի ունեցող գլոբալ գործընթացների մի մասնիկն են մարդը, մարդկային ճակատագիրը, պատմությունները, և հենց նրանց միջոցով կարելի է և պետք է խոսել գլոբալ գործընթացների մասին, քանի որ հենց մարդն է, որ իր ներաշխարհով հետաքրքրում է ընթերցողին։ 

 

Սրբուհի ՎԱՆՅԱՆ