«Փոթորիկ Կովկասում». 44-օրյա պատերազմի վերաբերյալ գրքի շնորհանդես Ստեփանակերտում

Այսօր` նոյեմբերի 15-ին, Պոլ Էլյուարի անվան ֆրանկոֆոնիայի կենտրոնում տեղի ունեցավ «Փոթորիկ Կովկասում» գրքի հայերեն տարբերակի շնորհանդես-քննարկումը: Գիրքը հայերենով հրատարակվել է Ռազմավարությունների և տեխնոլոգիաների վերլուծությունների մոսկովյան կենտրոնի (ՌՏՎԿ) կողմից, «Թուֆենկյան» հիմնադրամի աջակցությամբ: Արցախյան 44-օրյա պատերազմի ռազմական, աշխարհաքաղաքական և այլ ասպեկտների վերաբերյալ գրքում ներկայացված են 12 հեղինակների վերլուծությունները: Շնորհանդես-քննարկմանը, Արցախի Հանրապետության նախագահի միջազգային հարցերով խորհրդական Նելլի Բաղդասարյանը, պահեստազորի սպաներ՝ Արմեն Ասրյանը, Գրիգորի Սահակյանը, քաղաքագետ Տիգրան Գրիգորյանը ներկայացրին իրենց տեսակետները գրքի, 44-օրյա պատերազմի պատճառների, ներկայիս իրավիճակի և հնարավոր լուծումների մասին: Քննարկումը վարում էր Սիվիլնեթի խմբագիր Կարեն Հարությունյանը: Ներկաները նաև հնարավորություն ունեցան բանախոսներին ուղղել իրենց հուզող հարցերը:

Գայանե Գևորգյան