Error
  • JLIB_APPLICATION_ERROR_COMPONENT_NOT_LOADING
  • JLIB_APPLICATION_ERROR_COMPONENT_NOT_LOADING
  • Error loading component: com_content, 1
  • Error loading component: com_content, 1

ԲԵՐՔԱՀԱՎԱՔԻ ԵՌՈՒՆ ՇՐՋԱՆ

Հադրութի շրջանում  շարունակվում է աշնանացան հացահատիկայինների բերքահավաքը: Վերջին օրերին տեղացած կարկուտը, անձրևն ու ուժեղ քամին որոշակի վնաս են հասցրել շրջանի գյուղատնտեսական նշանակության մի շարք տարածքների:

Ինչպես տեղեկացանք շրջվարչակազմի աշխատակազմի գյուղատնտեսության հաղաշինարարության և հողօգտագործման (ԳՀՀ) բաժնի գլխավոր գյուղատնտես Սմբատ Աբրահամյանից, նախնական տվյալներով` 30-100 տոկոսով տուժել են 2500-3000 հա հացահատիկային տարածքներ և գարնանացան ցանքսեր:

Շրջանում 2018 թվականի բերքի տակ կատարվել է 19114 հա աշնանացան մշակաբույսերի ցանքս, որից  11844 հա-ն` գարի, 7270 հա-ն` ցորեն: Հունիսի 25-ի դրությամբ հնձվել է շուրջ 6830 հա գարու տարածք, ստացվել 11611  տոննա բերք, հեկտարի միջին բերքատվությունը կազմել է 17 ցենտներ: Հնձվել են նաև 1990 հա ցորենի տարածքներ, ստացված բերքը կազմել է 4975 տոննա, հեկտարի միջին բերքատվությունը` 25 ցենտներ:  Բերքահավաքին մասնակցում է  59    հատիկահավաք կոմբայն: Շրջանային օպերատիվ շտաբը կոորդինացնում է բերքահավաքի հետ կապված բոլոր գործընթացները: Շտաբի անդամները հաճախակի են լինում դաշտերում և առկա խնդիրները լուծում են տեղում: Բերքի իրացման խնդիրներ չկան: 

Դաշտամերձ տարածքին կից տեղակայված ընդունման կետը հնարավորություն է տալիս գործող կարգի և  գների սահմաններում ընդունել ամբարված բերքը: ԱՀ  արտակարգ իրավիճակների պետական ծառայության Հադրութի փրկարար մասի հրշեջները շուրջօրյա հերթապահություն են իրականացնում դաշտերին կից տեղակայված հրշեջ կետերում: Բերքահավաքի հետ մեկտեղ կատարվում են նաև կերակուտակման աշխատանքներ: Կատարվել են նաև մոտ 600 հա ամառնահերկ և 130 հա սև ցել:  

Էդիկ ԴԱՎԹՅԱՆ

ք. Հադրութ