Ինչո՞վ է պայմանավորված որոշ ապրանքատեսակների գնաճն Արցախում
Արցախում 2020 թվականի սեպտեմբերից մինչև այս տարվա մայիսն ընկած ժամանակահատվածում արձանագրվել է 26 ապրանքատեսակի միջին գների աճ և 2-ի գնանկում։
Ինչպես տեղեկացնում են Հանրային ծառայությունները և տնտեսական մրցակցությունը կարգավորող պետական հանձնաժողովից, հետպատերազմյա ժամանակաշրջանում դիտարկվել է լայն սպառման 29 ապրանքատեսակ։
Արդյունքում՝ ներմուծվող և գերիշխող դիրք չունեցող տնտեսավարող սուբյեկտների կողմից իրացվողշաքարավազ, ալյուր, ոսպ, բրինձ, հնդկաձավար ապրանքատեսակների մասով հիմնական, ոչ սեզոնային գնաճ է արձանագրվել։ Առանձին դեպքերում այդ ապրանքատեսակների գնաճը կազմել է մինչև 27,2 տոկոս։ Հանրային ծառայությունները և տնտեսական մրցակցությունը կարգավորող պետական հանձնաժողովից պարզաբանել են, որ այս շուկաները մրցակցային են, առկա չեն գերիշխող դիրք ունեցող տնտեսավարող սուբյեկտներ:
Գերիշխող դիրք ունեցող տնտեսավարող սուբյեկտների դեպքում արձանագրվել է իրացվող՝ հավի ձու, ձեթ, սեղմված գազ, բենզին, դիզվառելիք և կաթնամթերք ապրանքատեսակների գնաճ։ Առանձին ապրանքատեսակների դեպքում գնաճը կազմել է մինչև 79,7 տոկոս:
Հանձնաժողովը գնաճի հիմնավորվածությունը պարզելու նպատակով դիմել է գերիշխող դիրք ունեցող տնտեսավարող սուբյեկտներին՝ ներկայացնելու համապատասխան տեղեկատվություն, որի հիման վրա իրականացվել են ուսումնասիրություններ:
Մանրամասները՝ թերթի առաջիկա համարում։
ԱԱ