Արցախի Պաշտպանության բանակը զոհեր չունի. Արցախի ՄԻՊ
Արցախի ՄԻՊ Գեղամ Ստեփանյանն այցելել է Ստեփանակերտի զինվորական հոսպիտալում գտնվող վիրավոր 6 զինծառայողներին: Այս մասին նա հայտնել է թվիթերի իր միկրոբլոգում:
«Արցախի Պաշտպանության բանակը զոհեր չունի: Այս պահին Արցախում ռազմական գործողություններ չեն ընթանում»,- հայտնել է Ստեփանյանը:
Ստեփանյանը մեկ այլ գրառմամբ հայտնել է, որ զինծառայողները վիրավորվել են քաղաքացիական բնակավայրերի մոտակայքում գտնվող դիրքերում:
«Սա լուրջ սպառնալիք է քաղաքացիական բնակչության անվտանգության համար եւ ոտնահարում է բնակիչների կյանքի իրավունքը: Խաղաղ համագոյակցությունն անհնար է»,- գրել է Արցախի մարդու իրավունքների պաշտպանը: