[ARM]     [RUS]     [ENG]

Կապանի պատվիրակությունը հյուրընկալվել է Ստեփանակերտի քաղաքապետարանում

 

ՀՀ Սյունիքի մարզի Կապան քաղաքի համայնքապետարանի պատվիրակությունն այսօր  հյուրընկալվել է Ստեփանակերտի քաղաքապետարանում: Հանդիպմանը Ստեփանակերտի քաղաքապետ Դավիթ Սարգսյանը, կարևորելով հետպատերազմյան ժամանակահատվածում նման այցերը,  համոզմունք հայտնեց, որ համագործակցությունը կնպաստի  տարբեր ոլորտների զարգացմանը: Կապանի քաղաքապետ  Գ. Փարսյանի խոսքով՝  այս աշխատանքային այցով ու հանդիպումներով դրվում է անձնային ու  միջհամայնքային, հարաբերությունների ձևավորման, ամրապնդման ու զարգացման սկիզբը:  Նա նշեց, որ Արցախն ու Սյունիքը շատ ընդհանրություններ ունեն, որոնք կնպաստեն կապերի սերտացմանը: Ստեփանակերտի քաղաքապետի տեղակալ  Սամվել Ղուլյանը մեզ հետ զրույցում ասաց, որ երկու քաղաքային համայնքների ղեկավարները պայմանավորվածություն են ձեռք բերել համագործակցելու  հիմնականում սպորտի, մշակույթի, կրթության, իսկ հետագայում նաև այլ  ոլորտներում: Առաջիկայում փորձի փոխանակման նպատակով նախատեսվում է փոխայցելություն Կապան քաղաք: Ստեփանակերտի և Կապանի քաղաքային իշխանությունների ղեկավարները հանդիպման վերջում    հուշանվերներ են փոխանակել:

Աննա Ալեքսանյան