ԱՍՖԱԼՏԱՊԱՏ ՃԱՆԱՊԱՐՀ ԴԵՊԻ ԿՈԼԽՈԶԱՇԵՆ
Կարմիր Շուկա-Մարտունի մայրուղուց դեպի Կոլխոզաշեն տանող 4,5 կմ ճանապարհահատվածի ասֆալտապատման աշխատանքներն ավարտվել են։
Մեզ հետ զրույցում ԱՀ քաղաքաշինության նախարարության կապիտալ շինարարության վարչության գլխավոր մասնագետ, տեխհսկիչ Անդրանիկ Գրիգորյանն ասաց.
-Մայրուղուց մինչեւ Կոլխոզաշեն համայնքի դպրոցի բակ, այսինքն` հիմնական օգտագործվող ճանապարհահատվածն ամբողջությամբ ասֆալտապատված է: Որոշ հատվածներում, անվտանգության նկատառումներից ելնելով, կատարվել են նաեւ հենապատերի կառուցման աշխատանքներ։
Մեր զրուցակցի փոխանցմամբ` ներկա պահին ընթանում են ճանապարհահատվածի կահավորման աշխատանքներ։
Սերգեյ ՍԱՖԱՐՅԱՆ