ԱՐԱՅԻԿ ՀԱՐՈՒԹՅՈՒՆՅԱՆԸ ՀԱՆԴԻՊԵԼ Է ՙԼՈՒՅՍ՚ ՀԻՄՆԱԴՐԱՄԻ ՈՒՍԱՆՈՂՆԵՐԻ ՀԵՏ
Արցախի Հանրապետության վարչապետ Արայիկ Հարությունյանը հուլիսի 6-ին հանդիպել է ՙԼույս՚ հիմնադրամի՝ Արցախում գտնվող մի խումբ ուսանողների հետ։
Վարչապետը կարևորել է Հիմնադրամի գործունեությունը՝ երիտասարդ բարձրորակ կադրերի պատրաստման և հայրենիքի զարգացման գործում։Ա. Հարությունյանը ուրախություն է հայտնել, որ ՙԼույս՚-ի ուսանողների ամենամյա հավաքն այս տարի տեղի է ունեցել Արցախում՝ հույս հայտնելով, որ այն կխթանի Արցախի զարգացման ծրագրերում միջազգային լավագույն համալսարաններում կրթություն ստացած հայորդիների ընդգրկվածությունը։
Վարչապետը պատասխանել է ուսանողներին հուզող մի շարք հարցերի, որոնք վերաբերում էին Արցախի անվտանգության և տնտեսական համակարգերին, դրանցում առկա խնդիրներին և լուծման ուղիներին։
ԱՀ կառավարության աշխատակազմի տեղեկատվության
և հասարակայնության հետ կապերի բաժին