ԽՈՐՀՐԴԱՐԱՆՈՒՄ ՍՏԵՂԾՎԱԾ ՔՆՆԻՉ ՀԱՆՁՆԱԺՈՂՈՎԻ ԱՆԴԱՄՆԵՐԸ ՀԱՆԴԻՊԵԼ ԵՆ ՀԱՆՐԱՅԻՆ ԽՈՐՀՐԴԻ ՆԱԽԱՁԵՌՆՈՂ ԽՄԲԻ ՆԵՐԿԱՅԱՑՈՒՑԻՉՆԵՐԻՆ
Հունիսի 7-ին Աժ քննիչ հանձնաժողովի անդամներն ընդունել են Հանրային խորհրդի ներկայացուցիչներ Դավիթ Սիմոնյանին, Կարեն Սիմոնյանին, Սերգեյ Ղազարյանին, Արմինե Պետրոսյանին, Վրեժ Ասմարյանին և Հովհաննես Ասմարյանին:
Շնորհակալություն հայտելով ԱԺ պատգամավորներին ստեղծված իրավիճակին արագ արձագանքելու և աջակցելու համար՝ Հանրային խորհրդի նախաձեռնող խմբի անդամները ներկայացրել են այս օրերին կատարած աշխատանքը և քաղաքացիներից ստացված դիմումների ոլորտային ուղղվածությունները: Նրանք նշել են նաև, որ հունիսի 5-ին ձևավորված Խորհուրդն առ այսօր ստացել է 675 դիմում, որոնց թվում՝ հանրային հնչողության հարցեր չպարունակող նամակներ:
Հանձնաժողովի նախագահ Էդուարդ Աղաբեկյանը ԱԺ քննիչ հանձնաժողովի անդամների անունից ակտիվ համագործակցության և հանրային հնչողություն ստացած հարցերը հնարավորինս սեղմ ժամկետներում ընթացքավորելու պատրաստակամություն է հայտնել:
Հանդիպման ընթացքում քննարկվել են նաև նախաձեռնող խմբին իրավական կարգավիճակ տրամադրելու, աշխատանքները կանոնակարգելու, Քննիչ հանձնաժողովի հետ կապերը համակարգելու և այլ հարցեր:
ԱԺ Կանոնակարգ ԱՀ օրենքի 20-րդ հոդվածի համաձայն՝ պատգամավորների պահանջով Արցախի Հանրապետության Ազգային ժողովի նախագահ Աշոտ Ղուլյանը հունիսի 2-ին հայտարարել է խորհրդարանական Քննիչ հանձնաժողովի ստեղծման մասին, որը կուսումնասիրի հանրային հնչողություն ստացած հարցերը:
Հունիսի 4-ին ԱԺ նախագահի կարգադրությամբ հաստատվել է Քննիչ հանձնաժողովի հետևյալ կազմը՝
Էդուարդ ԱՂԱԲԵԿՅԱՆ` հանձնաժողովի նախագահ, ՙՇարժում-88՚ խմբակցություն
Ռամելա ԴԱԴԱՅԱՆ՝ հանձնաժողովի նախագահի տեղակալ, ՙՀայրենիք՚
Արամ ԳՐԻԳՈՐՅԱՆ, ՙՀայրենիք՚
Ալյոշա ԳԱԲՐԻԵԼՅԱՆ, ՙԴաշնակցություն՚
Դավիթ ՄԵԼՔՈՒՄՅԱՆ, ՙԺողովրդավարություն՚
Հայկ ԽԱՆՈՒՄՅԱՆ, ՙՎերածնունդ՚ խմբակցություն:
ԱՀ ԱԺ լրատվության և հանրության հետ կապերի բաժին