ԱԺ ՓՈԽՆԱԽԱԳԱՀՆ ԸՆԴՈՒՆԵԼ Է ՌՈՒՄԻՆԻԱՅԻ ՙԱՐԱՐԱՏ՚ ՀԱՆԴԵՍԻ ԽՄԲԱԳՐԻՆ

 Ողջունելով հյուրին՝ Վահրամ Բալայանն անդրադարձ է կատարել Հայրենիք-Սփյուռք կապին, այդ համատեքստում ընդգծելով Սփյուռքի հայրենակիցների ազգանպաստ գործունեությունը։  Խորհրդարանի փոխնախագահը նաև խոսել է այս տարիների ընթացքում ստեղծված խորհրդարանական կապերի մասին՝ մասնավորապես անդրադառնալով բարեկամության խմբերի և շրջանակների դերին։

Շնորհակալություն հայտնելով ընդունելության համար՝ Էդուարդ Անտոնյանը խորհրդարանի փոխնախագահին է ներկայացրել Ռումինահայոց միության կողմից տարվող աշխատանքները՝ կարևորելով Արցախի հանրահռչակմանն ուղղված միջոցառումները։ ՙԱրարատ՚ հանդեսի խմբագիրը նաև խոսել է Ռումինիայի խորհրդարանում հայազգի պատգամավորների ներգրավվածության և դերակատարության մասին։

Հանդիպման ընթացքում երկուստեք կարևորվել են Ռումինիայում Արցախի վերաբերյալ լոբբիստական աշխատանքների իրականացումը և խորհրդարանական մակարդակով համագործակցության հեռանկարները։

Արցախի Հանրապետության

ԱԺ լրատվության և հանրության հետ կապերի բաժին