[ARM]     [RUS]     [ENG]

Կայացել է Արցախի Հանրապետության Ազգային ժողովի ֆինանսաբյուջետային և տնտեսական կառավարման հարցերի մշտական հանձնաժողովը նիստը

Մարտի 23ին Արցախի Հանրապետության Ազգային ժողովի ֆինանսաբյուջետային և տնտեսական կառավարման հարցերի մշտական հանձնաժողովը նիստ է հրավիրել:

Նիստի օրակարգում Հաշվեքննիչ պալատի անդամի թեկնածության և Ազգային Ժողովին այդ պաշտոնում թեկնածու առաջարկելու մասին հարցն էր:

«Միասնական հայրենիք» խմբակցության ղեկավար Գագիկ Բաղունցը առաջարկել է Հրայր Կառլենի Մարգարյանի թեկնածությունը: Նա նշել է, որ թեկնածուն իր մասնագիտական և մարդկային որակներով համապատասխանում է այդ պաշտոնին:

Հրայր Կառլենի Մարգարյանը իր աշխատանքային գործունեությունը սկսել է կառավարությանն առընթեր հարկային պետական ծառայությունում՝ որպես 1-ին կարգի մասնագետ ու առայսօր աշխատում է նույն հիմնակում՝ որպես պետական եկամուտների կոմիտեի հետաքննության և օպերատիվ հետախուզության վարչության օպերատիվ բաժնի գլխավոր օպեր-լիազոր:

3 կողմ ձայնով ֆինանսաբյուջետային և տնտեսական կառավարման հարցերի մշտական հանձնաժողովը տվեց իր համաձայնությունը  Հրայր Կառլենի Մարգարյանի թեկնածությունը Ազգային ժողովի լիագումար նիստում ներկայացնելու համար:

Նիստին ներկա էին Ազգային ժողովի նախագահ Արթուր Թովմասյանը, պատգամավորներ, աշխատակազմի ներկայացուցիչներ:

Արցախի Հանրապետության Ազգային ժողովի

լրատվության և հանրության հետ կապերի բաժին