ԱՀ ԱԺ «Ազատ հայրենիք-ՔՄԴ» խմբակցության անդամները ԱՀ ԿԳՄՍ նախարարի հետ քննարկել են ոլորտային հարցեր
Հոկտեմբերի 21-ին ԱՀ ԱԺ «Ազատ հայրենիք-ՔՄԴ» խմբակցության անդամները հանդիպել են ԱՀ կրթության, գիտության, մշակույթի և սպորտի նախարար Լուսինե Ղարախանյանի հետ և քննարկել մի շարք ոլորտային հարցեր:
Նախարարն անդրադարձել է կրթության ոլորտում իրականացվող արդի ծրագրերին: Խմբակցության պատգամավորները ներկայացրել են իրենց դիրքորոշումն ու առաջարկները իրականացվող ծրագրերի շուրջ:
Քննարկվել են ոլորտին վերաբերող հարցեր, որոնց վերաբերյալ ներկայացվել են առաջարկություններ:
Հանդիպմանը քննարկվել են կրթության բնագավառում առկա խնդիրներն ու դրանց լուծման ուղիները, որոնք վերաբերում էին բարձրագույն ուսումնական հաստատություններին, հանրակրթությանն ու նախադպրոցական կրթությանը:
Հանդիպմանը կարևորվել են նման ձևաչափով քննարկումները:
ԱՀ Աժ լրատվության և հանրության հետ կապերի բաժին