[ARM]     [RUS]     [ENG]

Կայացել է ԱՀ ԱԺ արտադրության և արտադրական ենթակառուցվածքների հարցերի մշտական հանձնաժողովի հերթական նիստը

 

Հունիսի 21-ին կայացել է ԱՀ ԱԺ արտադրության և արտադրական ենթակառուցվածքների հարցերի մշտական հանձնաժողովի հերթական նիստը։

Օրակարգում ««Չափումների միասնականության ապահովման մասին» օրենքում լրացումներ և փոփոխություններ կատարելու մասին» ԱՀ օրենքի նախագծի քննարկումն էր։

Ներկայացվող օրենքի նախագծով առաջարկվում է «չափագիտական վերահսկողություն» և «չափագիտական վերահսկողություն իրականացնող մարմին» հասկացությունների ձևակերպումները ներառել հիմնական հասկացությունների մեջ:

Նախագծով առաջարկվում է  նաև չափագիտական վերահսկողության ուժեղացման նպատակով հստակեցնել չափագիտության լիազոր մարմնի և չափագիտական վերահսկողություն իրականացնող մարմնի գործառույթները, ինչպես նաև փոփոխել իրավաբանական անձին ստուգաչափման իրավունք տրամադրելու կարգը:

Ֆինանսների նախարարի փոխանցմամբ՝ օրենքի ընդունումը նպատակաուղղված է չափումների միասնականության ապահովման ոլորտում անվտանգության և օրենսդրության պահանջների պահպանմանը, չափման միջոցների նկատմամբ սահմանված չափագիտական կանոնների և նորմերի խախտումների կանխարգելմանը, ինչպես նաև չափագիտական վերահսկողության ուժեղացմանը:

Զեկուցողը պարզաբանումներ է տվել պատգամավորների՝ օրինագծին առնչվող հարցերին։

Նախագիծն արժանացել է հանձնաժողովի դրական եզրակացությանը։ Այն կընդգրկվի ԱԺ հերթական նիստի օրակարգում։

ԱՀ ԱԺ լրատվության և հանրութան հետ կապերի բաժին