[ARM]     [RUS]     [ENG]

ԱՀ Ազգային ժողովի նախագահ Արթուր Թովմասյանն աշխատանքային խորհրդակցություն է հրավիրել

Սեպտեմբերի 28-ին ԱՀ Ազգային ժողովի նախագահ Արթուր Թովմասյանը ԱԺ խմբակցությունների ղեկավարների, հանձնաժողովների նախագահների և աշխատակազմի պատասխանատուների մասնակցությամբ աշխատանքային խորհրդակցություն է հրավիրել։

Քննարկվել են  ԱՀ ԱԺ 7-րդ գումարման 6-րդ նստաշրջանի մեկնարկի և սեպտեմբերի 29-ին հրավիրվելիք նիստի օրակարգի հարցերը։

Ազգային ժողովի քննարկմանն է ներկայացվելու Արցախի Հանրապետության  Հաշվեքննիչ պալատի 2021 թվականի գործունեության վերաբերյալ տարեկան հաղորդումը։

Նիստի օրակարգում ընդգրկված են ավելի քան  1 տասնյակ օրինագծեր և 2 օրինափաթեթ։

Օրակարգում ներառված են նաև հարցեր Արցախի Հանրապետության նախագահին ու  Կառավարության անդամներին և  պատգամավորների հայտարարություններ։

Խորհրդակցության ավարտին Ազգային ժողովի նախագահը հայտարարել է, որ սեպտեմբերի 29-ին ժամը 11։00-ին կգումարվի  ԱՀ ԱԺ 7-րդ գումարման 6-րդ նստաշրջանի առաջին նիստը։

ԱՀ ԱԺ լրատվության և հանրության հետ կապերի բաժին