"Դենտեքս Դենտալ Գրուպ" ատամնաբուժական կենտրոնի բացման հանդիսավոր արարողություն
Արցախի Հանրապետության Նախագահ Բակո Սահակյանը սեպտեմբերի 4-ին մասնակցել է Ստեփանակերտում "Դենտեքս Դենտալ Գրուպ" ատամնաբուժական կենտրոնի բացման հանդիսավոր արարողությանը:
Երկրի ղեկավարը կարեւորել է միջազգային չափանիշներին համապատասխանող բժշկական նման հաստատության առկայությունը մայրաքաղաքում՝ նշելով, որ այն մեծապես կնպաստի մեր հանրապետությունում ատամնաբուժության զարգացմանը:
Միջոցառմանը մասնակցում էին Հայ Առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, Ազգային ժողովի խոսնակ Աշոտ Ղուլյանը, վարչապետ Արա Հարությունյանը, պաշտոնատար այլ անձինք: