Հանդիպում ԼՂՀ ԱԳՆ-ում

Ողջունելով հյուրերին՝ ԼՂՀ արտաքին քաղաքական գերատեսչության ղեկավարը կարևորել է Ֆրանսիա-Արցախ ավանդական կապերը և գոհունակություն հայտնել Ֆրանսիայի և ԼՂՀ տարբեր համայնքների միջև հաստատվող բարեկամական հարաբերությունների կապակցությամբ:

Երկուստեք ընգծվել է նրանց զարգացման ու խորացման անհրաժեշտությունը և նշվել, որ դրա շնորհիվ հնարավորություն է ստեղծվում տարաբնույթ ծրագրեր իրականացնելու մշակույթի, կրթության, սպորտի, առևտրի և տեղական ինքնակառավարման ոլորտներում:

Հանդիպման ընթացքում նախարարը նաև պատասխանել է հյուրերի բազմաթիվ հարցերին, որոնք վերաբերում էին Ադրբեջանի և Լեռնային Ղարաբաղի միջև հակամարտության կարգավորմանն ու ԼՂՀ-ում պետականաշինության գործընթացներին:

ԼՂՀ ԱԳՆ մամուլի ծառայություն