ԼՂՀ ԱՐՏԱՔԻՆ ԳՈՐԾԵՐԻ ՆԱԽԱՐԱՐՆ ԸՆԴՈՒՆԵԼ Է ՀԵՍՍԵՆ ԵՐԿՐԱՄԱՍՈՒՄ ՀՀ ՊԱՏՎԱՎՈՐ ՀՅՈՒՊԱՏՈՍԻՆ ԵՎ ԲԵՐԳՇՏՐԱՍԵ ՇՐՋԱՆԻ ՂԵԿԱՎԱՐԻՆ
Հոկտեմբերի 21-ին Լեռնային Ղարաբաղի Հանրապետության արտաքին գործերի նախարար Կարեն Միրզոյանն ընդունել է Գերմանիայի Հեսսեն երկրամասում Հայաստանի Հանրապետության պատվավոր հյուպատոս Սթիվեն Բրայան Ֆերային և նույն երկրամասի Բերգշտրասե շրջանի ղեկավար Մաթիաս Վիլկեսին, ովքեր մեր հանրապետություն են ժամանել Արցախի պետական համալսարանում գերմաներենի մասնագիտացված լսարանի բացման կապակցությամբ։
Հանդիպման ընթացքում կողմերը քննարկել են Արցախի և Գերմանիայի միջև կրթության և մշակույթի ոլորտներում համագործակցության հաստատմանն ու խորացմանն ուղղված մի շարք հարցեր։
Հանդիպմանը ձեռք են բերվել գործնական պայմանավորվածություններ։
ԼՂՀ ԱԳՆ մամլո ծառայություն