Logo
Print this page

Եվրոպայի Հայերի Համագումարը հանդես է եկել զորակցության կոչով:

 

Եվրախորհրդարանի պատգամավոր Լարս Պատրիկ Բերգի (Գերմանիա) կարծիքով` Ադրբեջանի ագրեսիան չպետք է որևէ մեկին զարմացնի, քանի որ արդեն մի քանի շաբաթ է, ինչ Բաքուն ավելացնում է ռազմատենչ հռետորաբանությունը` մշտապես սպառնալով Հայաստանին և Լեռնային Ղարաբաղին: Ինչպես տեղեկացնում է «Արմենպրես»-ը, Լարս Պատրիկ Բերգը իր հայտարարության մեջ հիշեցրել  է, որ  2020 թվականի օգոստոսին Ադրբեջանը Թուրքիայի հետ համատեղ զորավարժություններ է անցկացրել և ապահովել Թուրքիայի աջակցությունը Լեռնային Ղարաբաղի  վրա հարձակվելու հարցում։

«Թուրքիայի այս միջամտությունը քաջալերեց Ադրբեջանին։ Համաձայն հավաստի տվյալների` Անկարան սիրիացի զինյալների է ուղարկել` ի աջակցություն ադրբեջանական բանակի։ Այսպիսով, Թուրքիան գործում է ինչպես Լիբիայում` տարածաշրջան բերելով անկայունություն և նորանոր բռնություններ։ Ադրբեջանը պետք է հետ քաշի իր զորքերը, կառուցողական երկխոսություն փնտրի ԵԱՀԿ շրջանակներում։ Ինչ վերաբերում է Թուրքիային, չենք կարող խելամիտ պահվածք ակնկալել, և դա պետք է հասկանա նաև միջազգային հանրությունը. Սիրիա, Լիբիա, Միջերկրական ծով և հիմա էլ Լեռնային Ղարաբաղ։ Թուրքիան կշարունակի այդ քաղաքականությունը, քանի դեռ մենք դրան դեմ չկանգնենք։ Իմ մտքերը նրանց հետ են, ովքեր տառապում են այս անընդունելի ուժի կիրառումից»,- ասել է Բերգը:

 

 

 

Կայք էջից օգտվելու դեպքում ակտիվ հղումը պարտադիրէ © ARTSAKH TERT. Հեղինակային իրավունքները պաշտպանված են.