[ARM]     [RUS]     [ENG]

ՈՉ ՄԻԱՅՆ ՀԱՄԱՅՆՔԱՅԻՆ ԿԵՆՏՐՈՆ

ՙՀայաստան՚ համահայկական հիմնադրամի Ֆրանսիայի տեղական մարմինը վերջին երեք տարիների ընթացքում ԼՂՀ կառավարության հետ համատեղ՝ այլ ծրագրերին զուգահեռ, Արցախում հովանավորել է մեկ տասնյակից ավելի համայնքային կենտրոնների կառուցումը: Տումիում նման վարչական շենքին կից կառուցվում է նաև 150-տեղանոց դահլիճ, որտեղ կանցկացվեն  ամենատարբեր միջոցառումները:

 Համայնքային կենտրոնը երկհարկանի բազմաֆունկցիոնալ շինություն է, որն իր մեջ ներառում է ոչ միայն գյուղապետարանը, այլև հանդիսությունների դահլիճը, գրադարանը, համակարգչային սենյակը, բուժկետը, ունի նաև նախասրահ: Կապալառուն ՙԱրմեն-շին՚ ՍՊԸ-ն է։ Շենքը կունենա ջեռուցման և օդափոխության համակարգ, իսկ մինչ շահագործման հանձնելը՝ կկահավորվի։ 

Հավելենք, որ ՙՀայաստան՚ համահայկական հիմնադրամը Տումիում իրականացրել է նաև ջրամատակարարման ցանցի վերանորոգում, կահավորել գյուղի դպրոցը:

Այսօր Տումին ունի 768 բնակիչ: Այն Արցախի հնագույն գյուղերից է, այստեղ պահպանվել են պատմական և մշակութային մի շարք կոթողներ:

 Պատրաստեց  

Լաուրա ԳՐԻԳՈՐՅԱՆԸ