ԲԱՐԵԿԱՐԳՎՈՒՄ ԵՆ ՄԻՋՇՐՋԱՆԱՅԻՆ ՃԱՆԱՊԱՐՀՆԵՐՆ ՈՒ ՆԵՐՔԱՂԱՔԱՅԻՆ ՓՈՂՈՑՆԵՐԸ
Լաուրա ԳՐԻԳՈՐՅԱՆ
Արցախում պետական բյուջեի միջոցներով շարունակվում են միջշրջանային ճանապարհների և ներքաղաքային փողոցների վերանորոգման ու բարեկարգման աշխատանքները:
ԱՀ քաղաքաշինության նախարարության ճանապարհաշինության քաղաքականության բաժնի պետ Մհեր Համբարձումյանի խոսքով՝ այսօրվա դրությամբ Մարտունի քաղաքում փողոցների փոսային նորոգում, մասամբ` ասֆալտապատում է կատարվում, Մարտակերտում` քաղաքի գլխավոր մուտքի ասֆալտապատումից բացի, մի շարք փողոցների բարեկարգման աշխատանքներ են տարվում:
Միջհամայնքային ճանապարհների վերանորոգման և փոսալցման աշխատանքներ են կատարվում նաև Քաշաթաղի շրջանում։
ՀՀ Գեղարքունիքի մարզի Նորաբակ համայնքից դեպի Քարվաճառ տանող այլընտրանքային ճանապարհի կառուցման շրջանակում ներկայում կատարվում է ավազակոպճային ծածկի կառուցում:
Ծրագիրն իրականացնում են նշված շրջաններում գործող շինարարական կազմակերպությունները: