ՕՐԱՆԺ ԷԼԵՖԱՆՏ-ՆԱԻՐԻ
Սիլվա ԽԱՉԱՏՐՅԱՆ
Օրախնդիր՝ ՙԱրցախյան պատերազմից տուժած անձանց հոգեբանական աջակցության ծրագիր՚-ը ՙՕՐԱՆԺ ԷԼԵՖԱՆՏ-ՆԱԻՐԻ՚ հոգեբանական նորաբաց կենտրոնում, որի գործունեությունն ընդհատվեց 2020-ի սեպտեմբերի 27-ին սկիզբ առած պատերազմի պատճառով, մեկնարկեց ս. թ. հունվարի սկզբից: Ահաբեկչական պատերազմից հետո ստեղծված իրավիճակն Արցախում նոր մոտեցումներ թելադրեց. պատերազմի գեհենով անցած բնակչությունը հոգեբանական աջակցության կարիք ունի։ ԱՀ ԿԳՄՍ նախարար Լուսինե Ղարախանյանի, ով մասնագիտությամբ հոգեբան է, անմիջական նախաձեռնությամբ ՙՆԱԻՐԻ՚ հոգեբանական կենտրոնում գործել սկսեց այս ծրագիրը, որի հովանավորներն են շվեյցարիացի բարեգործները։ Ներկա պայմաններում այս ծրագիրը կենսականորեն անհրաժեշտ է, ինչը վկայում է տարիքային տարբեր խմբերի այցելուների հերթագրումը։ Հինգամսյա ծրագիրը նախատեսվում է անվճար սպասարկել 300 քաղաքացու։ Մեկ ամսվա ընթացքում 40 քաղաքացի օգտվել է անվճար ծառայությունից։
Հաշվի առնելով պահանջարկը, ԱՀ ԿԳՄՍ նախարարը նպատակահարմար է գտնում շարունակական դարձնել ծրագրի գործունեությունը։
ՙԱրցախյան պատերազմից տուժած անձանց հոգեբանական աջակցության ծրագրի՚ շրջանակներում ՙՕՐԱՆԺ ԷԼԵՖԱՆՏ-ՆԱԻՐԻ՚ կենտրոնի տնօրեն, հոգեբան-մագիստրոս Նաիրա Խաչատրյանը և կենտրոնի աշխատակցուհ հոգեբան Անի Գաբրիելյանն արդյունավետ աշխատանք են իրականացնում այցելուների հետ։ Առ այսօր գրանցված այցելուների թիվը գերազանցում է ծրագրով նախատեսված 300-ը, ինչը վկայում է, որ հետպատերազմյան Արցախում այս ծրագրի ծառայությունն անհրաժեշտություն է։