Սպառողական զամբյուղի արժեքը նվազել է
Արցախի Հանրապետությունում նվազագույն սպառողական զամբյուղի արժեքը այս տարվա հուլիսի 1-ի դրությամբ (միջին հանրապետական գներով հաշվարկված) կազմել է 64 հազար 301,5 դրամ: Այս մասին տեղեկացրին Արցախի ազգային վիճակագրական ծառայությունից՝ հավելելով, ցուցանիշն նախորդ ամսվա՝ հունիսի 1-ին հաշվարկված նվազագույն սպառողական զամբյուղի արժեքին ( 64 391.5 դրամ) զիջում է 0,1 տոկոսով, իսկ նախորդ տարվա հուլիսի 1-ի դրությամբ հաշվարկված նվազագույն սպառողական զամբյուղի արժեքից ( 63 608.6 դրամ) բարձր է 1,1 տոկոսով :