Հայաստանին Լեռնային Ղարաբաղի վերամիավորման 100-ամյակը` քննարկման թեմա
Սիրվարդ ՄԱՐԳԱՐՅԱՆ
Հունիսի 11-ին Արցախի ժուռնալիստների միության գրասենյակում տեղի ունեցած ՙԿլոր սեղան՚-ը նվիրված էր Հայաստանին Լեռնային Ղարաբաղի վերամիավորման 100-ամյակին։ Միջոցառման կազմակերպիչներն են Արցախի ժուռնալիստների միությունը և ՙԿաճառ՚ գիտական կենտրոնը։ Բացման խոսքով հանդես եկավ ԱրԺՄ նախագահ, բանասիրական գիտությունների թեկնածու Կիմ Գաբրիելյանը։ ՙԿլոր սեղան՚-ի հիմնական զեկուցողը ՙԿաճառ՚ գիտական կենտրոնի ղեկավար, պատմական գիտությունների թեկնածու, դոցենտ Մհեր Հարությունյանն էր։ Թեմայի շուրջ քննարկմանը մասնակցում էին ԱՀ նախագահի միջազգային հարաբերությունների հարցերով խորհրդական, պատմական գիտությունների թեկնածու, դոցենտ Նելլի Բաղդասարյանը, ԱՀ նախագահի աշխատակազմի Տեղեկատվության գլխավոր վարչության պետ Վահրամ Պողոսյանը, Արտաքին գործերի փոխնախարար Անուշ Դոլուխանյանը, ԱրԺՄ վարչության անդամներ, պատմաբաններ, ԶԼՄ-ների ներկայացուցիչներ։
Քննարկման մանրամասները` ՙԱզատ Արցախ՚ թերթի առաջիկա համարում։