Սուրբ և Անմահ Պատարագ՝ Ս.Աստվածածնի ծննդյան տոնի և Ասկերանի եկեղեցու Ուխտի օրվա առթիվ
Սեպտեմբերի 8-ին Հայոց Եկեղեցին տոնում է Ս. Մարիամ Աստվածածնի ծննդյան տոնը: Այսօր Արցախի թեմում սահմանվել է նաև Ասկերանի Ս. Աստվածածին եկեղեցու Ուխտի օր, որտեղ Արցախի թեմի փոխառաջնորդ Հոգեշնորհ Տեր Սահակ վարդապետ Շաքարյանի հանդիսապետությամբ, եկեղեցու հոգևոր հովիվ արժանապատիվ Տեր Մեսրոպ քահանա Մկրտչյանի ձեռամբ մատուցվեց Սուրբ և Անմահ Պատարագ:
Պատարագիչ քահանան իր պատգամում անդրադարձավ սբ Աստվածամոր ծննդյան պատմությանը, հորդորեց, որ հավատացյալները հաճախակի դիմեն ամենամեծ Սրբի բարեխոսությանը: Մաղթեց, որ Սուրբ Կույսն իր հովանավորությամբ շարունակի մնալ Հայաստանի և Արցախի կողքին:
Հավարտ Պատարագի եկեղեցու բակում մատուցվեց մատաղ և հյուրասիրություն:
Սոֆի ԲԱԲԱՅԱՆ
⠀